Ingvill årets utøvar

(31.12.2010) Oppe i alle kåringane har vi gløymt den viktigaste: Friidrettens vener kåra for nokre veker sidan Ingvill Måkestad Bovim til årets utøvar saman med Andreas Thorkildsen. http://friidrett.forbundetonline.no/nyheter/Sider/takkogpristilingvillogandrea04122010.aspx. Vi gratulerer og ønsker Ingvill lukke til på treningsleiren i Sør-Afrika

Havgula på nett

(30.12.2010) Under menyvalget HAVGULA finner dere høstens meget lesverdige utgave av lagsbladet vårt i pdf-format.

Alexander i gang: 7.09 og 7.13

(29.12.2010) Under romjulsstemnet på Stord løp Alexander Karlsson på 60m på 7.09 og 7.13, ein grei sesongstart. Når kalenderen viser 2011 får han vel sjå 6-talet?

Sverre Morten Slethaug nominert til Årets Ultraløper

(29.12.2010) Sverre Morten Slethaug er ein av fem nominerte til Årets Ultraløper i Kondis si kåring: http://www.kondis.no/hvem-blir-arets-ultraloeper.4864858-127145.html. Sterkt av ein mann som hadde 800 og 400 hekk som sine beste distansar då han var baneløpar i 'ungdommen' tidleg på 90-talet.

Terje toppar maratonstatistikken

(29.12.2010) På kondis.no sin maratonstatistikk er Terje Aggvin beste løpar med norsk pass. Rett nok er etiopiske Urige Buta og to svenskar føre Terje på lista som tar med alle som spring for ein norsk klubb, men Terje er altså den beste med norsk pass med 2.25.18 frå Rotterdam. Dersom alt går etter planen blir det nytt maratonløp på Terje i Roma 20. mars.

Frida Berge årets namn i Kvinnherad!

(29.12.2010) No mot slutten av året er det mange både kåringar og karakterbøker å lese i avisene. Vi plar ikkje kåre Årets namn i Gular, men Ingvill hadde vel vore ein nokså klar vinnar i år. Lokalavisa Grenda i Rosendal kårar imidlertid årets namn i Kvinnherad kommune, og Frida Berge vann kåringa i eit 'sterkt felt' på 10 nominerte med både ordføraren og daglege leiarar for skipsverft og Baroniet. Vi gratulerer! Meir info kan ein finne på www.grenda.no.

Gular nr. 2 i dameserien og nr. 9 i herreserien

(22.12.2010) Resultata frå forbundets lagserie er no å finne på friidrett.no. I år vart det 2. plass for damer (beste nokon gong) og 9.plass for herrar.  Herrane hadde tett med lag føre seg har ikkje så mange poeng opp til ein 4-5.plass, medan damene hadde marginane på si side og var 64 poeng føre BUL.

May Britt vann juleløpet i Odda, Terje nr. 2, sigrar på Løpskausell i Bergen

(15.12.2010) Under juleløpet i Boliden vinterkarusell i Odda laurdag vann May Britt Buer dameklassen, medan Terje Aggvin vart nr. 2 i herreklassen bak Jonny Kibsgaard frå Haugesund IL (og Odda). Glatt føre gjorde at tidene vart eit godt stykke bak løyperekordane. Måndag var det BFG Fana sin løpskarusell i Rådalen, her vann Jonas Dalland 5km og Sverre Morten Slethaug 10 km.

Års-statistikken klar

(14.12.2010) Endeleg har vi fått lagt ut års-statistikken, klubbrekordane og alle-tiders statistikken, du finn dei under  menyvalet STATISTIKK..

Hopp u/t i Turnhallen tirsdag 14.12

(10.12.2010) Bergens Turn arrangerer stevne i hopp uten tilløp for alle klasser, også rekrutt, i Turnhallen på Slettebakken tirsdag 14. desember kl 18. Stevnet ligger nå ute på terminlisten. 

Nytt styre i friidrettsgruppa

(02.12.2010) Friidrettsgruppa har nyleg hatt årsmøte og valt nytt styre. Dette ser slik ut: Leiar Morten Straume, styremedlemmer Nils Arne Løkkevik (sportsleg leiar), Heidi Ann Bruknapp (aktives representant), Knut Forthun og Bjarte Bogstad. Morten går no inn i sitt 15. år som leiar!

Arrangementsinfo

(30.11.2010) Under arrangement ligger info om stevnene våre i 2011. Nærmest forestående er hallstevnene 2.februar og 2.mars der oversikten inneholder øvelser og tidsskjema.

Mykje Gular på løpskarusellen

(22.11.2010) Det vart mykje Gular i teten under det andre løpet i BFG sin vinterkarusell. På 5km vann Anders Huun Monsen på 15:45, føre Jonas Lurås Hammer (Gularløpar i 2011) på 16:04 og Lars Røttingen på 16:33. Ingeborg Lind vann dameklassen på 18:47, med Mari Manger på tredjeplass (20:30). På 10km vart Jonas Dalland nr. 2 på 34:59, det vart også nyinnmelde Stine Sanden på 43:05. Så får vi tru at tidene blir enno betre utover vinteren!

Anders og Ingeborg klubbmeistrar i terrengløp

(14.11.2010) Under gårsdagens klubbmeisterskap i terrengløp på Storetveit vart det klare sigrar til Anders Huun Monsen og Ingeborg Lind. Ingeborg forsvarte tittelen frå i fjor, på herresida er fjorårsvinnar Kjetil Foss Angeltvedt utanlands og kunne ikkje delta. Resultatlista er å finne under, saman med bilete av aktive og (nesten alle) funksjonærar som var til stades.

Menn	Kvinner
1. Anders Huun Monsen 10.06	1. Ingeborg K. Lind 11.55
2. Tomas Windheim 10.22	2. Karoline Finne 12.12
3. Vidar Dahle 10.23	3. Hanne Nøvik 12.36
4. Jonas Dalland 10.24	4. Ida Kjelkenes 12.47
5. Lars Røttingen 10.26	5. Johanna Sjøgren 12.55
6. Bjarte Bogstad 10.27	6. Nora Systad 13.13
7. Ådne Svahn Dæhlin 10.32	7. Stine Sanden 14.20
8. Sigbjørn Groven 11.16	8. Marte Svahn Dæhlin 14.25
9. Anbjørn Mellingen 11.53
10. Ketil Pettersen 12.06

Gjermund 2:41.16 i New York

(07.11.2010) Gjermund Groven var i New York i helga og løp maraton. Han persa til 2:41.16. Passering halvveges på 1:15.46 tyder på at det gjekk tungt på slutten, men neste gong reknar vi med at han kjem under 2:40-grensa.

Tomas vann Løpskarusellen

(01.11.2010) BFG Fana har starta opp igjen med den årlege Vinterkarusellen. Under det første løpet vann Tomas Windheim 5km på habile 15:53, føre Lars Røttingen (16:35) og Jonas Dalland (16:49). Litt lenger bak i feltet fann vi formann Morten Straume (19:16), men så er då også alderen til Morten omtrent lik summen av alderen til Tomas og Lars...

Anders slo Terje i nordisk

(24.10.2010) Under nordisk meisterskap i terrengløp i Trondhem hadde vi to mann med, Terje Aggvin i landslagsdrakt, og Anders Huun Monsen som var mellom dei som deltok utanfor landskampen. I mål var Anders totalt nr. 25 og Terje nr. 28, begge var dryge to minuttar bak vinnaren, noko som stemmer bra med skilnaden mellom teten og Anders/Terje i årsbestetider - det er eit stykke fram, men det er berre å stå på. Det var elles ein stor norsk dag i nordisk, som ein kan lese om på friidrett.no. 

Terje vann på Osterøy - og klar for nordisk

(16.10.2010) Terje Aggvin tok ein suveren siger under Bjarte Viks eliteløp i dag, med 14:31 på den lettløpte 5-kilometeren frå Vik til Bruvik. Dette er 20 sekundar bak ikkje ukjente Morten Velde sin løyperekord. Reportasje på www.osteroyil.no. Som så mange gonger før er Terje også i år tatt ut på det norske laget i nordisk meisterskap i terrengløp, som går i Trondheim neste helg.

Treningsoppstart måndag 18.10

(16.10.2010) Det er snart tid for å starte opp fellestreningane igjen. Første fellestrening blir måndag 18.10 på Bergen Katedralskole ("Katten"). Mellom/langdistanse spring ut kl 1730. Basistrening for alle grupper startar opp inne ca kl. 1845. Vel møtt!

Stor løpsaktivitet i helga

(03.10.2010) Sjølv om veret ikkje var det beste i helga (i alle fall ikkje i Bergen), har det vore stor aktivitet på løpsfronten. Ingeborg LInd vann Fana halvmaraton på flotte 1:23.53, ny klubbrekord på ei tid som er hårfint under 4:00 på kilometeren. I Oslo vart May Britt Buer og Karoline Finne nr. 2 og 3 i motbakkeløpet Oslos bratteste, Karoline var for øvrig sekundet føre skistjerna Astrid Uhrenholdt Jacobsen. I herreklassen vart Anders Huun Monsen nr. 20. Synne Mala Visnes vann Hangurslia opp på Voss. I Skottland vart Gjermund Groven nr. 13 i Loch Ness maraton på 2:42.44. Vi tar også med at Julie Ness var Gulars einaste deltakar under 24-kampen på Osterøy, der ho vart nr. 3 og samla ein del seriepoeng til andrelaget.

May-Britt nr. 2 i Stoltzen

(26.09.2010) Gular hadde mange deltakarar i gårsdagens Stoltzekleiven opp. May-Britt Buer vart nr. 2 totalt i dameklassen med 10:51, 22 sekund bak vinnaren. Synne Visnes vart nr. 5 (og vann klassen 15-17 år), vidare vart Karoline Finne nr. 7, Ingeborg Lind nr. 11, Ida Kjelkenes nr. 14 og Frida Berge nr. 16. Beste herreløpar frå Gular vart Hallvard Nilsen med ein 11. plass.

Gular avanserer i lagserien

(24.09.2010) Banesesongen går mot slutten, men det er enno nokre stemne igjen. I løpet av veka har vi fått fylt opp med manglande resultat i lagserien, og Gular har dermed avansert på listene. Ådne løp ein fin langhekk på 57.86 på Leikvang måndag, og det vart også nokre ekstrapoeng av Torbjørn sitt spydkast på 40.07 på Fana onsdag. Sturla Austad scora også verdifulle poeng med 9.64 i kule i Ulsteinvik 19. september. Gular er no oppe i 21913 poeng, noko som burde sikre sjetteplassen. Norna sanka også poeng på onsdagens seriestemne og har ein del meir enn dei 22009 dei står oppført med på www.friidrett.no sin rapport., slik at Gular nok ikkje kan ta dei igjen.  Heidi Ann Bruknapp hoppa onsdag tresteg for første gong på fleire år, og 9.64 var godt nok til å føre Gular opp på 2.plass med 21421 poeng. Vi passerte dermed BFG Fana, som neppe klarar å forbetre seg med 400 poeng frå siste rapportering. Ein andreplass vil vere beste serieplassering på damesida nokon gong.

Terje nr. 7 i terreng-NM

(18.09.2010) Under gårsdagens NM i terrengløp på Lillehammer vart Terje Aggvin nr. 7 totalt, og vann klassen 35-39 år. Anders Huun Monsen vart nr. 10 i senior og 12 totalt og Tomas Windheim nr. 16 i senior og 18 totalt. Terje løp offensivt og var åleine i tet ei god stund før toppløparane med vesentleg betre persar enn Terje sette opp farten. Til slutt var han 35 sekundar bak vinnaren Sindre Buraas. Flott reportasje på kondis.no. Resultatlistene kom ikkje på nett før dagen etter, og tidene viser at løypene ikkje akkurat var kontrollmålt - 10km løypa var vel ikkje så mykje over 9. Svakt av arrangøren som nok hadde fokus på Birkebeinerløpet same dag. Her vart Ingeborg Lind nr. 4 på 1:27.10, vel tre minuttar etter vinnaren Kirsten Melkevik. Søndag vann Terje for øvrig 5km i Fanamilen føre Tomas og med Lars Røttingen på 3.plass. Flyet landa om lag 45 minutt før start, men Terje og Tomas kom seg til start i tide.

Pers på Karoline: 4:40.02

(15.09.2010) Under kveldens Norna-karusell på Fana stadion var det innlagt KM 1500m for senior. Her vart det siger og solid pers til unge Karoline Finne på flotte 4:40.02, som også er godt under NM-kravet for senior. Ho vann vel sekundet føre Hilde Aasheim frå Osterøy, som også sette pers. Karoline er likevel 'berre' nr. 5 på årets klubbstatistikk - det har vore ei kraftig nivåheving på mellomdistanse for jenter i klubben i år! 

Ingvill 2:00.68 i Milano

(09.09.2010) Ingvill Måkestad Bovim avslutta sesongen med nok ein sterk 800 meter. I Milano i går vart det tredjeplass med 2:00.68, Ingvills nest raskaste løp nokon gong. Så får vi sjå om Malin Ewerlöf-Krepp sin nordiske rekord på 1:59.44 overlever 2011-sesongen....

Mange gull på UM laurdag og søndag

(05.09.2010) Også laurdag og søndag vart det mange gull og andre medaljar til utøvarar frå samarbeidsklubbane våre under UM i Molde. Mest imponerte Frida Berge, som persa med 20 sekundar då ho vann 3000m i jenter 16 år med 10:08.29 som er ny junior-19-klubbrekord. Saman med bronse på 800m laurdag (2:17.58) og det tidlegare nemnde hinderløpet fredag vart det 2 gull og 1 sølv totalt til Frida. Gull vart det også til Karoline Finne frå Bergens Turn på 800m i jenter 17 med 2:16.23, (6/100 før nr. 2), til Anne Hansen på 400m hekk med 64.77, til Helene Hofstad i stav med 2.61 og til Katrine Haarklau i kule med 12.30. Kjetil Lammedal frå Strandebarm tok bronse i lengde gutar 15 år med 5.84. Vi nemner også at Bjørnar Lillefosse persa til 1:59.72 på 800m.

Anders Huun Monsen vann 5km på Knarvikmila

(05.09.2010) Gular var godt representert på Knarvikmila. I 5km løypa leia Anders Huun Monsen frå start til mål, og fekk fine 15.10 i den kuperte løypa - 22 sekundar føre nr. 2. Vidare vart Tomas Windheim nr. 4, Bjarte Bogstad nr. 7, Sigbjørn Groven nr.8 og Gjermund Groven nr. 10. I dameklassen vart Ingeborg Lind nr. 2 på 18.02, 22 sekundar bak vinnaren Hilde Aasheim frå Osterøy. På 10km vart Terje Aggvin nr. 2 med pene 31.21, 1.37 bak den etiopiske vinnaren.  I dameklassen vart Johanna Sjögren nr. 3 på 41:44 og tvillingsyster Emma nr. 4 på 42:06. Ein flott dag i strålande sol i Nordhordland - AKS-77 er flinke arrangørar! Sjå elles reportasje på www.kondis.no.

Klubbrekord av Inge Tansø i Nordisk-baltisk U23

(05.09.2010) Det har vore ei helg med god Gularinnsats på mange frontar, både i nordisk-baltisk U23, UM i  Molde og heimlege Knarvikmila. I nordisk-baltisk U23 i Söderhamn var det Inge Tansø som gleda mest. Han vart nr. 9, men persa med vel meteren til 64.48, og sletta såleis Knut Hjeltnes sin gamle klubbrekord frå 1995. (Rett nok har Hjeltnes vesentleg lenger (77.86) med den gamle spydtypen som var i bruk til og med 1985). Inge hadde berre såvidt kasta spyd i konkurranse før årets sesong, har persa med 18 meter (!!) og er nr. 8 på Norgesstatistikken. Sterkt! Han er faktisk under 5 meter bak kretsrekorden i U23, den er det landslagssjef Ronny Nilsen som har. Elles vart det totalt 5.plass til Alexander Karlsson og 11.plass til Jarle Hollund på 100m i moderate tider i motvinden. Jarle løp også ankeretappen på det norske laget som vart nr. 3 på 4x100m med 41.80. Vidar Dahle hadde ei travel helg - 7. plass på 800m med 1:52.26, sisteplass på 1500m med ei tid vi ikkje nemner, for så å avslutte med ein flott 2. etappe på 4x400m med etappetid på 48.75. På denne distansen vart Norge nr. 2 med 3:14.90. Vi håpar Vidar tar seg ein individuell 400m før han avsluttar sesongen!

Sterk Strandebarm-innsats i UM

Bjørnar Lillefosses solide persforbedring på 3000m symboliserer Strandebarmutøvernes fremganger i UM. Her med Jølsters Knut Olav Øygard i ryggen. Foto - KONDIS

(03.09.2010) Det var Strandebarm-utøvarane som gleda mest under første dag av UM i Molde. Frida Berge vann 1500m hinder i jenter 16 suverent på ny juniorkretsrekord 5:03.33, og unge Kjetil Lammedal vann tresteg i gutar 15 år på 12.43. Bjørnar Sandnes Lillefosse vart 'berre' nr. 7 på 3000m, men 8:47.86 og pers med vel 15 sekund er svært gledeleg - han bankar nok sterkt på døra til Holmenkollstafettlaget til våren. Elles vart det i jenter 18-19 år sølv til Heidi Ann Bruknapp på 400m (58.81) og bronse til Helene Hofstad i slegge (44.92). UM held fram i "Rosenes by" laurdag og søndag. Så vidt vi kjenner til er dette den første norske friidretts-meisterskapen i Møre og Romsdal sidan stafett-NM i Ørsta i 1997 (då så vidt eg hugsar trenar Berit Mjanger løp på BFG sitt vinnarlag på 4x800m) - på tide at også dette fylket tar sin del av arrangementa!

FANTASTISK

(01.09.2010) Ingvill knuste sin egen ferske 800m-rekord da hun løp inn på smått fantastiske 1:59.82 og 3.plass under et stevne i Zagreb i kveld. Med dette resultatet kroner hun en fenomenal sesong. Vi er imponerte og stolte over de resultatene Ingvill har prestert i år. GRATULERER først og fremst til Ingvill , men også støtteapparatet hennes med trener Knut Jæger Hansen i spissen. De må tydeligvis ha gjort mye riktig.

Helene 50.68 i slegge

(30.08.2010) Etter ein fin sesongstart i mai har Helene Hofstad slitt med  formen i sommar. Under kaststemnet på Skansemyren 24.8 var ho endeleg tilbake i form, og sette pers og juniorklubbrekord, 6 cm over den gamle rekorden som vart sett i mai. Kanskje det kan bli fleire persar før ho set kursen for Australia der ho skal vere i vinter. Slegga blir med i bagasjen på turen 'Down Under'.

Vidar 1:50.9

(30.08.2010) Under British Milers Club sitt stemne i Cardiff laurdag vart Vidar Dahle nr. 3 i B-heatet på 800m med 1:50.9. Han satsa friskt (ca 1:20 på 600), men dei siste 200 vart tunge både for han og resten av feltet. Ein må løpe mot god motstand for å bli betre og no til dags må ein dra eit stykke for å få det - men for 25 år sidan då trenar Asgeir Thomassen var aktiv hadde ikkje 1:50.9 gitt KM-medalje!

Landskampsiger på Island

(30.08.2010) Juniorlandskampen på Island vart svært spennande, til slutt trekte Norge det lengste strået med 165 poeng mot 162 til Sverige og 161 til Finland. Det er mange år sidan sist Norge vann denne landskampen. Våre 'konur' (betyr kvinner på islandsk!) gjorde ein fin innsats. Frida Berge vart nr. 3 på 1500m med 4.37.36, hennar nest beste løp nokon gong - sterkt i det kalde veret. Katrine Haarklau sette årsbeste i kuluvarp med 12.47, som gav 4.plass, og ho vart også nr. 5 i spjot med 42.12. Heidi Ann Bruknapp vart nr. 4 på 400m med 58.45 og sprang også på det norske vinnarlaget i 4x400m bodhlaup.

Ingvill 4:02.20!!

(29.08.2010) Ingvill fortsetter å imponere. I ettermiddag løp hun 1500m på ovennevnte tid og fikk en fin 5.plass i Rieti i Italia. Det er bare Grete Waitz (2 ganger) som  har løpt fortere av norske kvinner. Vi skulle gjerne hatt flere herreløpere under denne tiden i årets sesong... Forøvrig et fantastisk stevne med ny verdensrekord for menn på 800m, tangering av årsbeste på 100m også for menn og Jays med norsk rekord på 10.00 på 100m. Ingvill skal for øvrig løpe 800m i Zagreb onsdag 1. september i eit knallsterkt felt. Det er lov å håpe på at ho kjem under 2:00.....

Frida, Heidi Ann og Katrine til Island på landskamp

(26.08.2010) Til helga blir den årlege nordiske juniorlandskampen arrangert i Islands nest største by, Akureyri. Det endelege laguttaket ligg ikkje på nettet, men etter det vi kjenner til har Gular med Frida Berge (1500m, debutant), og meir erfarne Heidi Ann Bruknapp (400, 4x400) og Katrine Haarklau (kule og spyd). Vi ønsker dei lukke til i vesterveg, kanskje får dei tid til ein tur i 'heitur pottir' også - det kan trengast når yr.no melder 2-5 grader på laurdag. Heimesida til stemnet finn ein her: http://nm-u20.umse.is/home.

 Fire deltakarar på laget til nordisk U-23

(26.08.2010) Helga 4-5.september er det nordisk/baltisk U23-meisterskap i svenske Söderhamn (på austkysten litt nord for Stockholm). Her har vi med Alexander Karlsson (100/200/4x100), Jarle Hollund (100/4x100), Vidar Dahle (800/1500/4x400) og Inge Tansø (spyd). Inge debuterer i landslagsdrakta, medan dei tre andre har representert fedrelandet i junior/ungdomssamanheng tidlegare. Vidar skal utanlands også komande helg - laurdag spring han 800 i walisiske Cardiff (British Milers Club sin stemneserie). Vi ønskjer lukke til.

Der røyk pokkal'n ??

(22.08.2010) Overskrifta stammar frå ein spørjekonkurranse i radio på 1950-talet, men er ei høveleg overskrift på ein kommentar om kongepokalutdelinga under NM. La det første vere sagt at det er vanskeleg å dele ut kongepokalar, då samanlikning av prestasjonar i ulike øvingar er ei subjektiv sak. Og det har vore gjort utdelingar opp gjennom åra som har vore fagleg heilt på jordet (t.d. herrepokalen i Mosjøen i 1992). Når det gjeld årets utdeling så let det seg absolutt forsvare å gje pokalen til Christina Vukicevic for 13.11 på 100m hekk, men det var etter vårt syn fleire grunnar for å gje den til Ingvill eller til Christina. Nokre facts: Christina sitt resultat plasserer seg høgare på verdsstatistikken enn Ingvill (Ingvill måtte løpt på ca 2:01.00 for å kome like høgt opp som 13.11 gjer). Avstanden frå resultata fram til verdsrekord/årsbeste i verda (i %) er derimot svært lik, dette heng saman med at det er betre breidde på 800 (og flatløp generelt) enn på hekk (og hinder). Forhold: Christina hadde motvind, Ingvill hadde også vind å stri med - ingen skilnad her. Ingvill sette meisterskapsrekord, det gjorde ikkje Christina (som heller ikkje har den). Dessutan er det vanskelegare å prestere topp resultat i einsam majestet på mellomdistanse (når ein ikkje har hare), enn det er i tilsvarande situasjon på sprint/hekk/hopp/kast - viss ein ser på kongepokalvinnarane dei siste 20-25 åra så er det få frå lange løp - og fleire av dei som har vunne pokalen har hatt hare. Dette og at Christina har kongepokal frå før (noko som tidlegare har vore tatt med i betraktning ved utdelingar) burde etter vårt syn vippa avgjerda i fordel av Ingvill.

NM: Gull til Ingvill og sølv til Ådne

(22.08.2010) Det vart to medaljar til Gular under årets hovud-NM i Sandnes. Ingvill Måkestad Bovim tok ein suveren siger på 800m på ny meisterskapsrekord 2:02.36, og Ådne Svahn Dæhlin ein flott sølvmedalje på 800m med 1:50.47. Ingvill sitt strålande sololøp meinte mange, ikkje berre Gularfolk, burde gitt kongepokal (sjå eigen kommentar). Elles vart det ein god del fine plasseringar mellom 4-8 og  fleire fine persar. Ingvill sitt gull var for øvrig senior-NM-gull nr. 200 for klubben (Lars Gåsemyr tok det første i 10-kamp i 1953), av desse er 180 for menn og 20 for kvinner. Fredagen starta litt moderat for Gular sin del, den beste plasseringa gjekk til Anne Hansen på 400m hekk (nr. 4 med 64.51). Elles vart Alexander Karlsson og Jarle Hollund nr. 5 og 8 på 100m (10.98 og 11.08), medan Torbjørn Lysne vart slått ut i forsøket. Katrine Haarklau vart nr. 8 i spyd med 43.09, ho hadde eit langt kast som truleg kunne gitt bronse, men det var utanfor sektor. På 5000m vart våre litt bak i køen, Anders Huun Monsen nr. 14 med 14:50.26 (1/100 bak persen), medan Terje Aggvin på plassen bak fekk 14:50.88 og Tomas Windheim vart nr. 19 på 15:13.61.

Laurdag fekk vi i tillegg til medaljevinnarane på 800m også to fjerdeplassar (Vidar Dahle 1:51.57 og Ida Kjelkenes 2:13.78 pers, berre 13/100 frå bronsen), medan Ingeborg Lind vart nr. 8 på 2:19.30. På 3000m hinder vart Terje Aggvin nr. 5 på 9:31.03 og Sigbjørn Groven nr. 7 på 9:57.41, og på 200m vart Alexander Karlsson nr. 7 med 22.57, medan Torbjørn Lysne vart slått ut i forsøket. I kast vart det sjetteplass til Katrine Haarklau i kule med 12.10 og Helene Hofstad nr. 7 i slegge med 46.59. Det som gleda mest søndagen var 1500m for kvinner og spyd for menn. På 1500m vart det persar på alle våre, Frida Berge var best på 4:34.88, ny klubbrekord for junior. Det gav ein sterk fjerdeplass, under sekundet frå bronsen. Ingeborg Lind passerte Ida Kjelkenes på målstreken, dei vart nr. 6 og 7 på hhv. 4:38.77 og 4:38.79. I spyd vart det ein flott femteplass til Inge Tansø med 63.24, pers med vel fire meter. Han hadde og tre kast til over 60 meter. No er det berre halvmeteren fram til klubbrekorden med denne 'nye' spydtypen (innført i 1986). På stafetten kjempa våre løparar godt, men det heldt ikkje heilt til medalje (fjerdeplass for damer og femteplass for herrar), men begge laga var i alle fall beste lag frå kretsen. Kjempa godt gjorde også Terje Aggvin på 10000m, han kom inn på femteplass med 31:28.10 trass i rot med rundeteljinga. Med korrekt rundeteljing for alle hadde det blitt ei betre tid, men truleg ein plass dårlegare for Terje, som totalt løp 45 rundar på Sandnes stadion i løpet av helga(!). På 400m vart det sjuandeplass til Ådne på 50.06 og åttandeplass til Heidi Ann Bruknapp på 57.73. Alt i alt var det ei hyggeleg helg i Sandnes. Veret skifta veldig, men det er det lite å gjere med. Derimot var det ein del rot frå arrangøren si side, her trengst det skjerping. Følgande mistak har eg fått med meg: 1) Sette opp forsøksheat på 800m for kvinner når det er 9 løparar som har kryssa seg av, noko som var feil og skapte forvirring. 2) Gløyme å justere høgda på hinderet føre vassgrava mellom dame - og herreklassen (Terje Aggvin måtte minne funksjonærane på dette) 3) Rot med rundetellinga på 10000m 4) Kunngjere resultatliste på 10000m for menn der alle som hadde sett løpet lett kunne sjå at nr. 3-5 hadde fått feil tid (den tida dei hadde 1 runde før mål) og 5) diske feil løpar i forsøket på 100m for kvinner.

Karoline 2:15.12

(18.08.2010) Under gårsdagens karusellstemne på Fana sette Karoline Finne fin ny pers på 800m med 2:15.12. Ida Kjelkenes bør såleis ikkje kjenne seg for trygg på at ho er nr. 2 på klubbstatistikken når sesongen er over. Karoline kom ikkje til senior-NM i år, men kan gjere det svært bra under UM i Molde om eit par veker.

May Britt nr. 4 opp Skåla

(18.08.2010) Gular hadde fleire løparar med under Skåla opp i Loen i helga. i dameklassen vart May Britt Buer nr. 7 totalt, 5 minuttar bak vinnaren. I herreklassen vart Hallvard Nilsen nr. 19 totalt. Lenger ned på listene finn vi mellom anna Lars Røttingen og  Marianne Erdal. Anbjørn Mellingen vann klassen 55-59 år.

Mange medaljar i veteran-NM

(18.08.2010) Også laurdag og søndag vart det mange Gular-medaljar i veteran-NM. Laurdag vart det gull på 1000m stafett i klassen 80-89 år og sølv i 70-79 års klassen. Dessutan vart det gull til Knut Bergesen på 200m i klassen 80-84 år, bronse til Arne Lothe i slegge i klassen 70-79 år og til Walther Olsen i kule i klassen 85-89 år. Bjarte Bogstad tok gull på 1500m i 45-49 års klassen. Vi noterte oss også at vår 'gamle' sprinter Magnus Kleppe tok gull på 100m og sølv i lengde, men dette gjorde han i gamleklubben Gloppen si drakt. Stafettgull vart det også på breimningen.

Frå nær og fjern

(14.08.2010) Helga før NM plar vere relativt roleg, men alt no på fredagskvelden har vi faktisk ein del nytt å melde om. I går deltok Vidar Dahle i Copenhagen Games, og var etter det vi kan skjøne uheldig med seedinga, han vann B-heatet på 1:53.57 medan A-heatet med fleire på rundt 1:50 burde passa han veldig bra. I kveld løp Ingvill Måkestad Bovim 1500 i Diamond League i London, og tok ein sterk 7.plass på 4:10.61 i eit lureløp (2:19 på 800, vinnartid 4:07). Sikkert ei fin erfaring opp mot framtidige meisterskap. Vi flyttar oss heim  over Nordsjøen til Stordleikane, der Christine Næsheim Bjørkvik og Frida Berge vart nr 2 og 3 på 600m med 1:38.50 og 1:41.16. Lenger nord var det veteran-NM i Florø, der vi har ein tropp med. Totalt vart det 4 gull og 1 bronse første dag. Nettredaktør Bjarte tok heim gullet i MV 45-49 på 15:42.35, som gir ein niande plass gjennom tidene i Norge i denne klassen, men klubbrekorden til Atle Fosse er 15:16.84! I MV 80-84 vart det gull på 100m til Magne Limevåg med 18.19 og til Leif Bjordal i kule 3kg med 7.16. I MV85-89 tok Walther Olsen gull på 100m med 28.05 og bronse i kule 3kg med 6.16. Stordleikane og veteran-NM held fram laurdag og søndag.

Inge over NM-kravet

(12.08.2010) Nyinnmelde Inge Tansø har vore nær NM-kravet i spyd (58.00) mange gonger i sommar. I helga kvalifiserte han seg til NM ved å vinne junior-NM, og under kaststemnet på Skansemyren tysdag persa sunnfjordingen til 59.19. Elles slo Katrine Haarklau til med solid diskospers, 29.82 er faktisk klubbrekord i junior-19. Ho forbetra og årsbeste i kule med 1 cm til 12.36.

Ingvill 2:00.82 - NORSK REKORD

(10.08.2010) Under Folksam Grand Prix stemnet i Gøteborg i kveld sette Ingvill Måkestad  Bovim sin første norske seniorrekord då ho løp inn til tredjeplass på tida 2:00.82. Dette er nesten sekundet betre enn Randi Langøigjelten Bjørn sin gamle rekord på 2:01.7, som hadde stått i 29 år! Det er ikkje så ofte Gularutøvarar set individuelle norgesrekordar - sist det skjedde var då Quincy Douglas løp på 46.11 i 1999. Ingvill vart også den første kvinnelege Gular-utøvar som sette ein individuell norsk seniorrekord. På årest europastatistikk er Ingvill no nr. 30 på 800 og nr. 10 på 1500.

May Britt nr. 2 i Fanaråken opp og nr. 3 i Nuten opp.

(08.08.2010) May Britt Buer hadde ei travel helg denne helga med andreplass i Fanaråken opp på laurdag og tredjeplass på Nuten opp i Rosendal på søndag. Ho leiar no Norgescupen i motbakkeløp. Terje Aggvin vart nr. 7 i Nuten opp. 

Totalt 16 medaljar under junior-NM på Ravnanger!

(08.08.2010) Det vart ein solid medaljehaust til Gular under junior-NM på Ravnanger, totalt vart det 4 gull, 4 sølv og 8 bronse, og vi trur det må vere klubbrekord for antal medaljar totalt. Gular var også den klubben som saman med Tjalve tok flest medaljar, men Norna-Salhus (9-1-3) og Moelven (6-3-3) tok fleire gull.  I tillegg til det vi rapporterte etter fredagen, vart det gull til Vidar Dahle på 800m i menn junior-22 med 1:53.75 og til Inge Tansø i spyd i same klasse med 56.64. Sølvmedaljane gjekk til Heidi Ann Bruknapp på 400m (57.85), Anne Hansen på 400m hekk (64.50) og Katrine Haarklau i spyd (45.28), alle i yngste klasse, og til stafettlaget i eldste klasse for menn (1:58.48). Frida Berge tok to bronse og sette to persar (4:38.09 på 1500m og 7:04.31 på 2000m hinder). Hindertida er kretsrekord for junior, medan den solide 1500-persen (6.6 sekundar) er klubbrekord i junior-19, 43/100 under Ingunn Nyhammer sin 24 år gamle rekord. Alexander Karlsson persa også med 22.07 på 200m, som heldt til bronse berre 4/100 frå gullet. Karoline Finne sikra seg bronsen på 800m junior-19 på fin ny pers 2:16.03, og i junior-22 vart det bronse til Tonje Svendsen med 2:22.49. 1000m stafettlaget i jenter-19 tok bronse på ny junior-19 klubbrekord 2:18.48. Frå dei lange løpa finn ein omfattande reportasjar på www.kondis.no.

Arkivert

(07.08.2010) Alt hjemmesidestoff for første halvår i år ligger nå under Arkiv

Gull til Alexander og Katrine

(06.08.2010) Gular fekk ein fin start på junior-NM på Ravnanger med to gull og to bronse første dag. På 100m i junior-22 forsvarte Alexander Karlsson tittelen frå i fjor med 11.23 i kraftig motvind. Han fekk ein fin start og heldt unna for Philip Bjørnå Berntsen som løp stafett for Norge i EM. Her vart Jarle Hollund nr. 4 og Torbjørn Lysne nr.8. i junior-19 klassen på 100m vart Jon Anders Løkkevik dessverre diska for tjuvstart i semifinalen. Det andre gullet gjekk til Katrine Haarklau som vann ein spennande kulekonkurranse i jenter-19 med årsbeste 12.35, 7 cm føre Silje Disserud. Katrine fekk opp vinnarstøtet i siste omgang, men har mykje meir inne i denne øvinga. Vidare vart det bronse til Ingeborg Lind på 3000m junior-22 med 10:11.20. På 5000m sette Anders Huun Monsen pers med 7 sekundar og tok bronse på 14:50.25, her vart Martin Johnsen nr. 6. Anne Hansen, Karoline Finne og Frida Berge gjekk alle greit til finalen på hhv. 400m hekk, 800m og 1500m, medan Bjørnar Lillefosse vart slått ut på 1500m på ny pers 4:10.87

Ingvill 4:04.92

(06.08.2010) Under kveldens Diamond League stemne i Stockholm løp Ingvill Måkestad Bovim sin nest beste 1500m nokon gong og kom inn på 4:04.92, som 'berre' heldt til ein 12. plass i det sterke feltet. Det ser ut som Ingvill har lagt EM bak seg og er klar for nye pers- og norgesrekordforsøk på ulike distansar utover i august!

Hallvard 15:06.43 på 5000m

(03.08.2010) Under kveldens karusellstemne på Fana stadion persa Hallvard Nilsen til 15:06.43 på 5000. Han låg svært lenge an til å klare NM-kravet på 14:59.99, men det heldt ikkje heilt til mål. Likevel fin pers med 4 sekundar, og no har Hallvard endeleg betre pers enn formann Morten Straume! Elles moderat Gular-deltaking og resultat. På 1500m løp Ida Kjelkenes sitt nest beste løp nokon gong med 4:42.80, og Mari Manger sette årsbeste med 4:56.86. Vi tar også med at Heidi Ann Bruknapp løp 200m på 26.12 i lett motvind og at Anne Hansen løp 300m hekk på 44.62.

Sigbjørn klarte kravet på hinder

(22.07.2010) Katrine Haarklau starta mangekampen under Junior-VM i Canada omtrent akkurat som då ho sette persen sin: 14.52 på hekk og 1.54 i høgde, mot 14.51 og 1.54 då persen vart sett i Tel Aviv. Sterkt i 'Bergensveret' i Moncton (sjå www.friidrett.no). Seinare på dagen vart det 12.32 i kule (årsbeste) og 26.48 på 200m, noko som gir 3010 poeng etter første dag - 3 poeng meir enn etter første dag i pers-serien i Tel Aviv. 5.36 i lengde andre dag er identisk med det ho hoppa i Israel, så etter 5 øvingar er Katrine framleis 3 føre skjema - og på ein 19.plass totalt. Etter spydkonkurransen reknar vi med at ho avanserer nokre plassar. Resultata finn du her: http://www.iaaf.org/wjc10/index.html  Katrine er for øvrig klubbens første deltakar i junior-VM nokon gong, men vi har hatt fleire med i junior-EM. Noko av forklaringa er at junior-VM har ei kortare historie enn junior-EM. Dei som hugsar godt minnest kanskje at dagens sprinttrenar Erlend Sæterstøl var med i junior-VM i 1994, då konkurrerte han imidlertid for Hovding, dette var siste året før samarbeidsavtalen mellom Hovding, Bergens Turn og Gular vart inngått.

Erik Hovlandsdal 3:56.58

(20.07.2010) Under eit stemne på Bislett i kveld sette Erik Hovlandsdal ein solid pers med 3:56.58. Dette er pers med nesten 4 sekund, og han vart dermed Gularløpar nr. 98 under 4:00 på 1500 gjennom tidene. Vi får tru at vi kjem opp i 100 før sesongslutt! Erik nærmar seg no senior-NM-kravet (3:55.99), og persen til pappa Rune på 3:53.89 er heller ikkje så langt unna. Erik har no betre pers enn mellom anna Tommy Laitinen og Tomas Windheim!

May Britt vann Kvasshovden opp

(17.07.2010) May Britt Buer tok heim ein ny motbakkesiger då ho vann Kvasshovden opp i Ulvik i dag på ny løyperekord, nesten 2 minuttar føre neste kvinne. Reportasje finn du her: http://www.kvasshovdenopp.no/index.jsp

INGVILL: 4:04.22

(16.07.2010) Under kveldens Diamond League-stemne i Paris gjorde Ingvill Måkestad Bovim eit kjempeløp på 1500m. Opningstempoet var hardt, så Ingvill la seg bak og avanserte etter kvart. Ho vart nr. 10 på 4:04.22, ny pers med nesten to sekund. Det er berre legendariske Grete Waitz (2 løp på 4:00 og 1 på låg 4:04) som har løpt fortare av norske kvinner. Ingvill passerte dermed Trine Pilskog og Ingrid Kristiansen på alle-tiders statistikken. No ser vi fram til EM - og håpar at dette inspirerer fleire gutane i klubben til å kome seg under 4:00 på 1500 så dei får litt avstand til Ingvill på årsbestestatistikken! Ingvill er for øvrig no nr. 18 på verdsstatistikken og nr. 6 på Europastatistikken, og av dei norske  er det berre Andreas Thorkildsen og Jaysuma Saidy Ndure som er høgare oppe på verdsstatistikken så langt i tradisjonelle friidrettsøvingar (kappgang unntatt). Verken Ezinne Okparaebo eller Christina Vukicevic er for tida inne på topp-20, det er derimot i tillegg til Ingvill også høgdehoppar Stine Kufaas. Så kanskje media burde revurdere kven dei skriv mest om......... 

Fin løping av Anders, Erik og Ingeborg

(15.07.2010) Måndag hadde vi fleire løparar i aksjon både på karusellstemnet på Osterøy og i BFG sin sommarkarusell. På 5km i sommarkarusellen vann Anders Huun Monsen på 15:11 føre Kjetil Foss Angeltvedt (15:30). På Osterøy viste Erik Hovlandsdal styrke med ein fin pers på 800m (1:59.06) trass i litt vind (over det tilletne på sprint). Snart får vi vel sjå Erik under 4:00 på 1500 også? Erik er i militæret i Bodø og der er det ikkje lett å finne mellomdistansefelt i 'nærmiljøet' - ingen frå klubbar nord for Steinkjer har løpt under 4:10 på 1500 i år! Onsdag debuterte Ingeborg Lind (fortsatt på ferierepresentasjon for heimklubben Askim) på 5000m på Bislett på pene 17:56.50, noko som er langt under Gular-klubbrekorden på 18:34.4. Det er  imidlertid ni sekundar ned til persen til mamma Åse, og vi håpar dette motiverer Ingeborg  til å gjere eit løp til på distansen når ho er tilbake i Gulardrakt frå og med 1. august.

Frå nær og fjern

(12.07.2010) For første gong på fleire månader har nettredaktøren ikkje registrert at vi har hatt nokon i aksjon i løpet av siste helg. Men i kveld stiller nokre av våre ungdomar på karusellstemne på Osterøy, og på fredag er Ingvill i aksjon i Diamond League igjen - denne gongen i Paris. Vi nyttar høvet til å ta med nokre av dei hendingane vi ikkje har fått med oss på denne sida. Det har vore sett eit tosifra tal klubbrekordar i år, og det viste seg å vere ein vi hadde oversett. Frida Berge sin 3000m på 10:28.78 er junior-19 klubbrekord. Den gamle hadde Ingvill Eimhjellen (Blom) med 10:41.0 frå 1972, på den tid var det så vidt jentene fekk lov til å løpe så langt! Vi har også etter kvart fått med oss at Synne Mala Visnes i vår vann to motbakkeløp - både Hanguren opp og Stalheimskleiva opp. Vi registrerer også at Joakim Dang (militærteneste nordpå) fortsatt er med, han årsdebuterte med ein grei 60m på siste Norna-karusell. Han må nok kjempe hardt for å kome med på 1000m-stafett laget til junior-NM, der vi har mange å ta av: Jon Anders, Alexander, Jarle, Kristoffer og Vidar - kan bli krevande å ta ut det laget!

Ingvill 4:07.41 i Diamond League i Lausanne

(07.07.2010) Under kveldens Diamond League-stemne i Lausanne. vart det ein 10.plass på  Ingvill Måkestad Bovim på 1500m med 4:07.41, det nest beste løpet ho har på distansen. Ingvill fekk ei fin reise inne ved lista som det heiter på travspråket, og låg an til pers etter 1200m. Det gjekk dessverre ikkje fort nok på dei siste 300 metrane, kanskje var opninga ørlite for hard? Vinnartida var under 4:00, og dette var det klart beste 1500m-feltet for damer i verda så langt i sesongen. Ingvill er stabiliteten sjølv, med 4 løp mellom 4:06-4:08 så langt i år, sterkt når fjorårspersen var på 4:09-talet.

Mange persar i Strandebarm

(05.07.2010) Det vart sett ein god del fine persar under helgas Hardanger Friidrettsfestival i Strandebarm. På 800 vann Mari Manger på ny pers 2:23.04, føre Marte Svahn Dæhlin som nesten persa (2:25.23). På 800 for menn persa Bjørnar Sandnes Lillefosse til 2:00.79 i eit sololøp. Han følgde fint opp søndagen med ny pers 9:03.38 på 3000, som gav andreplass mellom veteranane Bjarte Vik frå Osterøy (9:00.52) og Bjarte Bogstad (9:05.36). Unge Kristian Ljones persa både i lengde (6.14) og på 200m (23.82), og er no svært nær junior-NM-krava på 6.15 og 23.75. 15-åringen Kjetil Lammedal persa i høgde med 1.65 og lengde (5.89) og var også nær persen i spesialøvinga tresteg (12.86), denne gongen vart det 12.83 i litt for mykje medvind. Ros til Strandebarm for eit godt arrangement! 

Motbakke-gull til May Britt

(04.07.2010) Under gårsdagens NM i motbakkeløp, som var innlagt i Lønahorgi opp, vart det gull til May Britt Buer. Ho vann seniorklassen med 1:04.51, men vart fråløpt av junior-22-vinnaren Heidi Weng (1:03.27). I herreklassen vart Terje Aggvin nr. 2 i menn senior og nr.3 totalt med 55.55, nesten to minutt bak vinnaren Øyvind Heiberg Sundby. På slutten vart Terje også passert av vinnaren i menn 40-44 år, den evigunge skiløparen Kristen Skjeldal som kom inn på 54.46. Vidare vann ifølge resultatlista Sverre Morten Slethaug menn 35-39 år (sjølv om Terje også er i denne klassen og hadde klart betre tid) og Anbjørn Mellingen (som løp 1500m på 3:54 i 'gamle dagar') vann menn 55-59. Synne Mala Visnes vart nr. 4 i kvinner junior-22 og nyinnmelde Marianne Erdal vart nr. 4 i kvinner senior. Resultat og bilete finn du her: http://www.vossfriidrett.org/Bilete/Bilete%20NM/bileteLO2010.html

Ingeborg og Ida under 4:40 på 1500m

(04.07.2010) Det var mange fine Gular-resultat under VU-spelen laurdag og søndag. Vi startar med kvinner 1500m, der Ingeborg Lind (Askim-løpar no i juli) og Ida Kjelkenes var dei to første i B-heatet på solide persar: 4:38.91 og 4:39.61. Ida avanserte for øvrig til fjerdeplass på alle-tiders statistikken i Gular. I flickor-17 vart det 4:46.86 på Frida Berge, litt bak persen. Søndag vart det fine persar på 800m både på Ida (2:14.42) og Frida (2:16.97). Frida vart dermed den sjette Gularjenta under 2:17 i år, 15/100 fortare hadde gitt ho ein sjette i staden for ein tredjeplass på klubbstatistikken! Karoline Finne kom inn på 2:18.74. På 1500m for menn var Vidar Dahle den raskaste av våre med nok eit 3:55-løp (3:55.35), medan Eirik Myrmel var nest best av våre med årsdebut på 4:03.22. Bak han følgde Tomas, Martin og Hallvard, først- og sistnemnde kjende nok at dei gode 5000-løpa sat i beina. På 800m var Ådne den raskaste med 1:53.32, føre Eirik med årsbeste 1:56.89. Lenger bak noterer vi 1:58.66 på Martin og pers 2:01.49 på Sigbjørn Groven. På sprint var Anne Hansen den raskaste på 100m med 12.92, medan Heid Ann Bruknapp var raskast på 200 og 400 med 25.95 og 57.79. På herresida hadde Jarle Hollund 10.90 i forsøket, medan Alexander Karlsson fekk notert 10.94. I finalen vart det 6. og 8.plass på Alexander (10.92) og Jarle (10.99). Alexander løp også sin nest beste 200 nokon gong med 22.22 i forsøket, i finalen vart det 22.51. På 400m fekk Kristoffer 49.78 og Ådne 49.90 (årsbeste). I slegge kasta Helene Hofstad 49.57, ho har vel etter kvart eit tosifra tal konkurransar på 49- og 50-talet når ein ser fjoråret og året under eitt. Vi får tru at 51-talet kjem snart.

Klubbrekord av Anne Hansen på 300m hekk

(01.07.2010) Under første dag av VU-spelen i Gøteborg leverte våre utøvarar fleire fine resultat. På 300m hekk sette Anne Hansen ny klubbrekord med 43.90, 14/100 under den gamle persen frå UM i 2008. Dette heldt til ein tredjeplass i flickor-19. Det er berre 19/100 fram til kretsrekorden, men likevel er Anne på tredjeplass på årets krets-statistikk. 61-talet på 400m hekk burde no vere innafor rekkevidde. På 3000m persa Ingeborg Lind til 10:05.47. Ingeborg har ferierepresentasjon for Askim, og nytta høvet til å overta klubbrekorden frå mor Åse (Brødholt). På 5000m vart det 3. og 5.plass til Anders Huun Monsen (15:08.28) og Hallvard Nilsen (15:10.69 - fin debut). Hallvard gjekk dermed inn føre formann Morten Straume på klubbstatistikken, men Morten har framleis betre pers (15:10.4). På hinder vart det 5.plass til Sigbjørn Groven på 9:38.68, eit par sekund bak persen. I spyd var Inge Tansø nok ein gong svært nær NM-kravet, denne gong vart det 57.55.

Ingvill 4:08.62 i Sollentuna, Tomas 14:48.44

(01.07.2010) Under dagens svenske Grand Prix stemne i Sollentuna løp Ingvill Måkestad Bovim sin nest raskaste 1500m nokon gong, med 4:08.62 vart ho nr. 2, vel 2 sekundar bak den etiopiske vinnaren. Sidan opninga var svak  (2:16 på 800m) tyder alt på at 4:06-persen frå Doha snart blir forbetra!  Ingvill er framleis nr. 5 på årets Europastatistikk. På 800m for menn var det ingen stor Gular-dag, med Vidar Dahle som den raskaste på 1:52.94. Ådne fekk 1:54.47 og Kristoffer 1:57.53, medan Eirik Myrmel gleda med årsbeste 1:57.05. Under dagens siste løp, 5000m B-heat, slo Tomas Windheim til med ein kjempepers på over halvminuttet(!) og tok ein flott 8.plass med 14:48.44, godt under NM-kravet. Kanskje vart han inspirert av Sindre & Sondre i A-heatet, som med tider på 13:40-talet vart dei første nordmennene under 14:00 sidan 2006. Tomas gjekk dermed til topps på årets klubbstatistikk på distansen, der vi har 4 løparar under 15:00 for første gong på mange år (Tommy 14:49, Terje 14:55, Anders 14:59). I tillegg er Kjetil Foss Angeltvedt på veg tilbake til formen frå i vår og vi trur også at Kjetil Måkestad greit ville løpe godt under 14:48.

Tomas under 4:00 på KM

(27.06.2010) Det var mange bra prestasjonar under andre dag av KM på Fana, men persane var det langt mellom. Vi vel difor å trekke fram Tomas Windheim sin fine 1500m på 3:58.66, som heldt til 4.plass i løpet og 2.plass i KM. Tomas vart dermed Gularløpar nr. 97 under 4:00, vi bør passere 100 i løpet av sesongen, ikkje sant Hallvard, Martin, Anders, Erik (KM-bronse i dag på 4:01.80) og Kjetil? Vidar Dahle tok heim KM-tittelen på årsbeste 3:55.08, men måtte sjå seg slått av unge Thomas Solberg Eide frå Haugesund IL (og Odda) med 11/100. Pappa Svein Erik Eide sin meisterskapsrekord på 3:46.5 frå 1986 får mest truleg stå i fred eit par år til. Elles var det kjekt å sjå så mange Gularløparar (8+ haren) i same felt på 1500m, måtte det skje oftare og med litt tøffare opning slik at dei kan presse kvarandre fram til gode tider. Vidar sikra seg også bestemannspremien i løp. Elles tok Kristoffer Grindedal Janson ein grei siger på 400m med 49.69, her persa unge Ivar Stefansen til 52.92, berre 12/100 bak kravet til junior-NM. Inge Tansø var nok ein gong nær NM-kravet i spyd med 56.77 og Jon Anders Løkkevik fekk dagens beste tid på 100m med 11.36 i motvind. Gular tok også greit heim sigeren på herrestafetten på ei moderat tid.

På damesida stod Heidi Ann Bruknapp nok ein gong for den beste prestasjonen med 56.63 på 400m, som heldt til bestemannspremie i løp. Ho vann også 100m på 12.78. På 3000m måtte Ingeborg Lind (10:21.0) sjå seg slått med ei halv langside av framgangsrike Hilde Aasheim frå Osterøy. Vi noterer oss også spyd-pers på unge Marte Tuft frå Hovding, 27.42 heldt til gull i jenter 16 år, men det er enno over 4 meter fram til persen til storesøster Silje. Marte vann også kule i denne klassen, medan Malin Blomberg vann 100m i jenter 17 år på 13.27. Til slutt ordna Malin, Susanne Aas, Heidi Ann og Anne Hansen dagens rekord på 1000m stafett med 2:20.56, som er klubbrekord i Hovding og dessutan junior-19-rekord i Gular. Etter det vi kan sjå vann også Gular lagkampen i menn senior. Frå KM i Rogaland (i Sandnes) tar vi med at Martin Johnsen utanfor konkurranse løp ein fin 800 på 1:58.51 på laurdag og var raskare enn alle KM-deltakarane. Dagens resultatlister frå Sandnes har vi ikkje fått tak i enno.

Katrine kretsrekord igjen - 5267 poeng i Israel

(27.06.2010) Katrine Haarklau forbetra sin eigen juniorkretsrekord i 7-kamp med 87 poeng  under  E-cupen i mangekamp  i israelske Tel Aviv. Med den jamne serien 14.51 (vind +1.2)-1.54-11.85-26.16  første dag og 5.36-48.15-2:23.53 på dag 2 vart det 5267 poeng og dermed ny kretsrekord i junior-19 og junior-22. Sterkt med ein serie utan persar i enkeltøvingar! I skrivande stund må vi ta eit lite atterhald om godkjent vind, vindmålingane for 200m og lengde manglar på arrangøren si heimeside (i alle fall den engelske - hebraisk er ikkje vår sterkaste side - nettredaktøren kan berre det latinske, greske og kyrilliske alfabetet). På heimesida står det 5287 poeng, men etter det vi kan sjå har arrangøren gitt Katrine 20 poeng for mykje i lengde. Katrine måtte sjå seg slått av Fri-jenta Lene Myrmel, som med fullklaff og 5511 slo Heidi Benserud sin 27 år gamle seniorkretsrekord på 5414. Skilnaden mellom summen av persane til Katrine og Lene er imidlertid berre 54 poeng i Lene sin favør, så her er det meir å gå på for Katrine viss alt klaffar. Vi noterer oss også at 5267 hadde gitt ein 15.plass i junior-VM i 2008, og at Katrine no er nr. 9 på den norske alle-tiders-statistikken i 7-kamp. Katrine vart nr. 10 totalt, og det norske laget vart nr. 2, vi får tru at det held til opprykk til 'nivå 2' som det heiter på fotballspråket. Vi noterer oss også at trenar Henning Hofstad sin 34 år gamle junior-19 kretsrekord i 10-kamp vart klart slått av Martin Roe frå Fri, som sørga for at alle Hordalands tre deltakarar kjem heim med kretsrekord.

May Britt vann Storehesten Opp

 

(26.06.2010) May Britt Buer ser ut til å trivast i Sogn og Fjordane. I dag vann ho Storehesten Opp i Bygstad på 1:21.39. Ho var om lag minuttet bak Anita Håkenstad Evertsen sin sterke løyperekord, og rundt tre minuttar føre toaren Merete Helgheim frå Gloppen. May Britt vart også 10.000 kroner rikare av sigeren. Reportasje frå løpet finn du her: http://www.storehestenopp.no/. Kan det bli gull til May Britt under NM på Voss neste helg? Foto - Arrangør

Ida ENDELEG under NM-kravet

(26.06.2010) Sidan 2007 har Ida Kjelkenes utan hell jakta på NM-kravet på 800 (2:14.99) i omtrent kvart einaste løp ho har gjort på distansen. Under KM på Fana i dag lukkast det endeleg, Ida drog frå start til mål og kom inn på 2:14.86, pers med snaut halvsekundet. Det vart trippel Gular på distansen, med flotte persar både på Ingeborg Lind (2:16.83) og Frida Berge (2:18.10). Dette fortente Ida verkeleg, det er mange både i og utanfor klubben som unner medisinstudenten frå Bønes å få uttelling for treningsarbeidet ho har lagt ned - vi trur at det blir solide persar på fleire distansar utover i sesongen no når NM-billetten er klar. Gular har no 23 utøvarar som er kvalifiserte til NM i Sandnes og det er det største talet på mange år. Elles vart det Gular-siger også på 800 for menn til Eirik Myrmel (1:59.68), her sette unge Ivar Stefansen fin pers på 3.plass med 2:01.46. På 5000 for menn fekk Terje Aggvin ei grei gjennomkøyring med siger på 14:55.05, formen stig nok når slåttonna på Varaldsøy snart er over. Elles var Heidi Ann Bruknapp nær den 3 år gamle 200-persen med 25.62 - klubbrekord i Hovding vart det i alle fall. Anne Hansen løp sin nest beste langhekk nokon gong med 63.61, Helene Hofstad viste stabilitet i slegge med 50.34 og Inge Tansø sanka fine seriepoeng i diskos med 32.31.

May-Britt Buer vann Molden opp

(22.06.2010) No er det høgsesong for motbakkeløp. I helga vart det første Molden opp arrangert i Luster, og May Britt Buer tok heim sigeren på 59.05, nesten minuttet føre nr. 2. Reportasjen på Kondis sine sider finn du her: http://www.kondis.no/molden-opp.4794756-127676.html

Fin innsats av Ingvill og Alexander i superligaen på Fana

(20.06.2010) Under helgas European Team Championships på Fana stadion (superligaen) vart det 6.plass på 1500m (4:08.75) og 7.plass på 800m (2:04.81) til Ingvill Måkestad Bovim.  Alexander Karlsson løp 2. etappe  på 4x100m stafettlaget som vart nr. 11 med 40.78. Det var tette felt både på 800m og 1500m. Med maks uttelling kunne nok Ingvill plassert seg litt høgare opp, men 1500-tida er hennar nest beste nokon gong, så innsatsen er absolutt godkjent og vel så det. Toppformen er nok prikka inn til EM i august. For Alexander bør dette vere ein fin inspirasjon til vidare satsing - kan det bli senior-NM-medalje på 100m i år?

Pers av Karoline Nilsson på Veidekkelekene

(20.06.2010) Mellom sprintarar (og friidretts-statistikarar) er Lillehammer-forhold (dvs. godt og varmt og passe medvind på sprint) eit uttrykk som har festa seg. Under helgas Veidekkeleker på Stampesletta stadion i OL-byen var det ifølge rapportane stort sett surt og kaldt, og resultata vart deretter. Den einaste persen vi har funne i listene, var Karoline Hellen Nilsson sine 2:19.03 på 800m. På same distanse fall Karoline Finne like før mål, då låg ho an til pers. Vi noterer også årsdebutar på 200m av Jon Anders Løkkevik (22.95) og på 1500m av Karoline Finne (4:48.46). Elles vart det fine plasseringar både på Heidi Ann Bruknapp og Anne Hansen, sjølv om det ikkje vart årsbeste/pers på nokon av distansane - dette siste gjaldt også Jarle Hollund og Torbjørn Lysne som var i aksjon på sprint. Vi noterer også at Inge Tansø var nær senior-NM-kravet i spyd nok ein gong då han på Skansemyren tysdag  kasta 57.89, 11 cm bak kravet. På Lillehammer gjekk ikkje spydet fullt så langt. 

Katrine over junior-VM-kravet og tatt ut til junior-VM!

(13.06.2010) I fotball er det ikkje uvanleg at etter ein dårleg første omgang kjem det eit heilt 'nytt' lag på bana. I mangekamp trur vi ikkje det er fullt så vanleg med slike brå omskifte, men det var nettopp det som skjedde med Katrine Haarklau under den nordiske juniormeisterskapen i danske Randers i helga. Etter ein moderat første dag med miss i høgde og ingen årsbestenoteringar (14.74-1.49-11.89-26.70), var Katrine klart bak skjema til kravet på 5150 poeng. Andre dag var tydelegvis toppformen på plass, ho starta med ein kjempepers i problemøvinga lengde (5.54) og følgde opp med 48.19 i spyd - nesten tre meter over persen og juniorkretsrekorden ho sette på NM på Lillehammer i fjor. Dette kjempekastet førte også multitalentet frå Bønes til topps på årets seniorstatistikk i spyd.   Etter ein grei 800 på 2:24.34 vart det til slutt juniorkretsrekord på 5180 poeng, 122 poeng over persen frå junior-EM i fjor. Katrine vart nr. 2 i konkurransen, berre 46 poeng bak den finske vinnaren. Ho er dermed nr. 11 i Norge gjennom tidene i denne øvinga, og då persane hennar i enkeltøvingar no summerer seg opp til 5546 poeng, skulle ho ha kapasitet til å pynte på persen seinare i sesongen. Senior-kretsrekorden til Heidi Benserud på 5414 poeng er vel litt for langt unna i år, men kva med 'familierekorden' til Lene Myrmel frå Fri på 5294? I spyd er det elles no berre vel halvmeteren fram til Helga Reigstad sin 10 år gamle kretsrekord, og lengdehoppet var det lengste av ei Gularjente på 10 år og sletta også den 30 år gamle klubbrekorden i Bergens Turn på 5.35. Junior-VM som Katrine no er tatt ut til, går i kanadiske Moncton 19-25. juli.

Fin sprint på Leikvang og Nadderud

(13.06.2010) Under Hovdingruletten på Leikvang torsdag sette Jarle Hollund årsbeste på 100m med 10.85 etter å ha varma opp med ein 60m på 6.96. Dermed tok han over listetoppen på klubb og krets-statistikken på 100m, sjølv om det vart nokså kortvarig. Søndag persa nemleg Alexander Karlsson med 1/100 til 10.80 på Tyrvinglekene på Nadderud. På Leikvang var også Heidi Ann Bruknapp i aksjon, ho sette juniorklubbrekord på den litt uvanlege distansen 300m med 40.75. Frå Nadderud søndag tar vi også med at Kristoffer Grindedal Janson persa til 49.38 på 400m, no har han betre pers enn både Torbjørn Lysne og Vidar Dahle, så får vi sjå om det er status også ved sesongslutt... Frå Nadderud noterer vi også fin pers på Kjetil Lammedal frå Strandebarm, som vann tresteg i gutar 15 år med 12.86. Sigbjørn Groven persa også på 800 til 2:02.10. Elles vart det andre og tredjeplass på 800m laurdag til Vidar og Kristoffer, med moderate tider på 1:54-talet. Ida Kjelkenes klarte ikkje å følgje opp den fine 1500-persen frå sist helg på 400m og 800m, men sesongen er enno ung.

Fin 3000m-løping på Tyrvinglekene

(11.06.2010) Tyrvinglekene er i gong på Nadderud. Gularløparane gjorde ein sterk innsats på 3000m. Kjetil Måkestad tok ein klar siger på 8:22.61, og lenger bak i feltet vart det flotte persar på Martin Johnsen (8:37.32), Hallvard Nilsen (8:39.89) og Sigbjørn Groven (8:45.19). Martin og Hallvard nærmar seg NM-kravet på 8:34.99, og Sigbjørn viste at hinder-kravet på 9:29.99 er innanfor rekkevidde. På 3000m vart det også fine persar til Strandebarm-løparane Frida Berge (10:28.78) og  Bjørnar Lillefosse (9:08.47), medan Mari Manger kom inn såvidt over 11:00.  Frida persa med 16 sekundar og gjekk inn på femteplass på klubbens alle-tiders statistikk, like føre Julie Ness og Anne Kari Vikingstad. Det ser ut som pappa Hans Jakob sitt Lydiard-inspirerte treningsopplegg også i år skal gje fin framgang for odelsjenta frå Ølve. Derimot klarte ikkje Anne Hansen (langhekk) og Inge Tansø (spyd) heilt å følgje opp dei fine resultata dei leverte forrige helg.

Hallvard Nilsen med fin 3000-pers på Framolekene

(06.06.2010) Det vart mange fine persar også under siste dag av Framolekene. Vi vel å starte oppsummeringa med den siste øvinga, 3000m. Her tok litt overraskande Hallvard Nilsen kommandoen på dei siste rundane og løp inn til fine 8:40.81, snaut 4 sekund under den fire år gamle persen. No er NM-kravet på 3000 på 8:34.99 innanfor rekkevidde, og 31-åringen skulle også ha gode sjansar til å ta kravet på dei lengre distansane (5000: 14:59.99, 10000: 31.59.99). Fin løping av fysioterapeuten frå Arna, busett på Kongsvinger. Han var for øvrig berre eit par tidelar bak persen til formann Morten Straume, sett i hans tid i Viking tidleg på 1980-talet. Lenger bak i feltet skuffa Tommy og Kjetil, medan Eirik Myrmel - i stafettsko - fekk med seg ein pers (9:08.91). Elles var det mest sprint det gjekk i denne strålande søndagen på Fana. For tida er Alexander Karlsson (10.94) og Anne Hansen (pers 12.63) dei beste på 100m i klubben, tett følgt av Jarle Hollund (11.01) og Heidi Ann Bruknapp (12.66). Torbjørn Lysne (11.36) var litt lenger bak, medan Jon Anders Løkkevik fekk 11.25 i guteklassen. Han klarte dermed NM-kravet, og med litt gunstigare vindforhold er nok persen på 11.18 i stor fare. På 400m fekk Heidi Ann Bruknapp revansje med 56.58, føre Anne (58.53 - helgas fjerde pers!), medan Karoline Nilsson fekk 58.57 i eit anna heat. Vi noterer også fin 400-pers på Marte Svahn Dæhlin med 62.56. I herreklassen persa Kristoffer Grindedal Janson til 49.78, og har dermed betre pers enn trenar Asgeir Thomassen. Årsbeste i klubben vart det også, men den trur vi ikkje blir ståande så lenge. Vi noterer her også fin pers av unge Ivar Stefansen med 53.58.

Klubbrekord av Anne Hansen på Framolekene 

Lettbeinte Karoline Finne som deltok i jenteklassen løp ensom i tet frem til dagens beste 800m tid. Dermed fulgte hun opp det flotte løpet sitt fra stafett-NM. (Foto: KONDIS).

 Hard kamp mellom Gularjentene på 800m under Framolekene- Ida Kjelkenes (301) i tet føre Tonje Svendsen (313) og Karoline Nilsson (306), med Ingeborg Lind like bak. (Foto: KONDIS).

(05.06.2010) Mange flotte prestasjonar på Framolekene fredag og laurdag, men Anne Hansen sin klubbrekord på 400m hekk var det som gleda oss aller mest. Med 62.75 var ho vel sekundet under den gamle klubbrekorden på 63.8 frå 1986. Vi visste at Anne hadde kapasitet til å løpe så fort, men det skal gjerast også! Åsanejenta som er russ av året persa også på 200m med 25.77, og slo Heidi Ann Bruknapp (også russ) med 15/100.  Klubbrekord vart det også på Katrine Haarklau (også ho russ) med 1.60 i høgde, noko som er juniorrekord og tangering av seniorrekorden utandørs. Katrine har også tidlegare hoppa 1.60, men det var innandørs. Frå sprintfronten tar vi elles med at Alexander Karlsson igjen vart den beste på 200m (22.31), medan Torbjørn Lysne pressa årsbestetida si ned til 22.51. I dei litt lenger løpa vart det kanskje jentene som gleda mest. På 800m var Karoline Finne raskast av alle med 2:16.84 i eit løp der ho leia heatet for dei eldste jenteklassene frå start til mål. Junior/senior løp i eit anna heat, der Ida Kjelkenes var den raskaste med eit løp på 2:19-talet. Lenger bak vart det persar både til Tonje Svendsen (2:20.43 og kvalifisert til junior-NM), Karoline Nilsson (debut på 2:20.47), Mari Manger (2:24.10) og Marte Svahn Dæhlin (2:24.58). På 1500m vart det solid pers (og under NM-kravet også på denne distansen) av Ingeborg Lind med 4:43.96, føre Frida Berge (4:45.72) og persande Ida Kjelkenes (4:47.16). På herresida var Vidar Dahle den raskaste av våre med 3:55.17, her sat nok Bislettløpet dagen før i beina. Bak han vart det fine persar både på Stavangergutane Martin Johnsen (4:00.29) og Sigbjørn Groven (4:03.32). Pers vart det også på unge Bjørnar Lillefosse frå Strandebarm med 4:13.02. Litt morosamt er det også at alle-tiders statistikken i klubben på 1500m no blir toppa av Ingvill, Ingunn, Ingvill og Ingeborg!

Flott 800m-løping på Bislett Games

(04.06.2010) Under fredagens Bislett Games, som også inngjekk i Diamond League, gleda Gular-innsatsen på 800m stort. Ingvill Måkestad Bovim vart nr. 4 på fine 2:02.47, og utan knuffinga i siste sving kunne kanskje den norske rekorden til Randi Langøigjelten Bjørn (2:01.7 frå 1981) blitt slått, men det går nok i neste forsøk. No vart det 'berre' Ingvill sitt neste beste løp i karrieren og krets- og klubbrekord. I B-heatet på 800m slo Ådne Svahn Dæhlin til på bortre langside på sisterunden, men stivna dessverre på siste 50m. Dermed vart Vidar Dahle beste Gularløpar på ny pers 1:50.07, 3/100 bak vinnaren. Ådne kom inn på 1:50.91, medan Kristoffer Grindedal Janson persa igjen, no vart det 1:52.60 og 7.plass. Vidar tar no til å nærme seg trenar Asgeir Thomassen sin pers på 1:49.36, og junior-22 klubbrekorden på 1:49.39 (Frank Otto Meinseth 1986). Ulsteinvikingen Meinseth tok forøvrig bronse med denne tida i NM i Sandnes det året, vi minner om at NM går i Sandnes også i år.  På 5000m vart det 12.plass til Anders Huun Monsen med 14:59.23, som er like bak persen. 

Fin hinderløping og spydkasting på Framolekene

(03.06.2010) Under første dag av Framolekene vart det oppnådd fine resultat både på hinderløp og i spyd. På 3000m hinder gjorde Sigbjørn Groven eit fint sololøp og kom inn på 9:36.33. Dette er over halvminuttet betre enn fjorårspersen og berre vel 6 sekundar bak NM-kravet. Ei sterk avslutning tyder på at NM-kravet er innanfor rekkevidde i neste forsøk på distansen. KM-tittel vart det også. På 2000m hinder sette unge Nora Systad frå Bergens Turn klubbrekord med pene 7:59.15. I spyd for menn fekk vår nye kastar Inge Tansø opp eit kast på 57.96, berre 4cm(!) bak senior-NM-kravet. Etter det vi kjenner til var det hans første konkurranse i øvinga, ein fin debut av 22-åringen frå Florø. Florø er jo elles kjent for sitt gode kastmiljø, men det er helst litt tyngre reiskapar det har vore tradisjon for å kaste der i byen.

May Britt nr. 2 opp Ulriken

(29.05.2010) Under Ulriken Opp i dag vart det andreplass til vår bakkeløpspesialist frå Odda, May Britt Buer, berre 39 sekund bak vinnaren. Synne Mala Visnes vart nr. 6. I herreklassen vart Anders Huun Monsen nr. 5 og Sverre Morten Slethaug nr. 6.

Pers på Alexander i Florø

(29.05.2010) På Florø friidrettsfestival idag var det Alexander Karlsson som stod for den beste Gularprestasjonen med fin pers 22.18 på 200m. Dermed avanserte han til 9.plass på alle tiders klubbstatistikk. På same distanse fekk Torbjørn Lysne 22.59. På 100m var vinden for sterk til å få godkjente tider - Jarle Hollund fekk 10.85 i forsøket og 10.93 i B-finalen, medan Alexander og Torbjørn hadde hhv. 11.00 og 11.15 i forsøket. I slegge viser Helene Hofstad stabilt nivå rundt 50-meteren, denne gongen vart det 49.84.

800-suksess på Lillestrøm

(29.05.2010) Under Romerikslekene på Lillestrøm i dag imponerte 800m-løparane våre stort. I eit felt som hadde samla mesteparten av norgeseliten på distansen løp 'veteranen' Ådne Svahn Dæhlin inn til ein flott 2.plass på 1:50.16, hans beste tid sidan 2007. Unge Vidar Dahle følgde hakk i hæl på 4.plass med solid pers på 1:50.58. I dette årtusenet er det berre Ådne som har løpt fortare i Gulardrakt enn ingeniørstudent Dahle. Årets komet Kristoffer Grindedal Janson på 8.plass persa med over halvanna sekund, og med 1:53.00 har han no betre pers enn mellom anna Bjarte Bogstad og Lars Røttingen. Unge Ivar Stefansen persa også solid til 2:02.64.

Fin løping av Terje og Tommy

(29.05.2010) Litt i det stille har Terje Aggvin og Tommy Laitinen levert fin løping i det siste. Terje vart nr. 2 i Ølmedalen rundt 2. pinsedag, omlag minuttet bak Nordens beste maratonløpar, Urige Buta i den cirka 7 km lange løypa. Det var også om lag minuttet frå Terje og ned til den ikkje ukjende skiløparen Petter Northug jr. I dameklassen vart Johanna Sjögren nr. 4. Under eit stemne i Koblenz i Tyskland forrige veke årsdebuterte Tommy Laitinen på bane, han vart nr. 4 i C-heatet(!) på 5000m med 14:49.46, snaut 6 sekund bak persen.

Gullrush i Steinkjer!

(24.05.2010) Under helgas stafett-NM i Steinkjer gjorde Gular ein kjempeinnsats og vart beste klubb med 5 gull, 1 sølv og 2 bronse. Alle dei 8 laga vi hadde i aksjon, tok såleis medalje, og det vart ein god del rekordar å bokføre. For å ta rekordane først: Det vart junior-22 kretsrekord på 4x100m stafett for menn, og klubbrekordar på 4x400 kvinner junior-19, 4x800 kvinner senior, junior-22 og junior-19. Dessutan tok klubben sin senior-NM-tittel nr. 200 gjennom tidene då Kristoffer Grindedal Janson løp over mål som ankermann på 4x400m på søndagen. Så vidt vi kan sjå er det også klubbens beste stafett-NM gjennom tidene. På herresida tok vi storeslem i senior med gull på alle distansane, noko som har skjedd to gonger før (1972 og 2006). Det var stor stemning i Gular-leiren då medaljane kom ein etter ein, mange av dei med nokså knapp margin og etter god taktisk løping og flott innsats.

På 4x100m senior på laurdag var vekslingane ikkje heilt på topp i forsøket, men i finalen satt dei som dei skulle og Jon Anders Løkkevik, Torbjørn Lysne, Alexander Karlsson og Jarle Hollund løp inn til gull på 42.35, vel to tidelar føre Sandnes. Dermed slo dei Viking sin 27 år gamle kretsrekord i junior-22 med over halvsekundet, og tok klubbens sjuande tittel på distansen. På 4x800 for kvinner junior leia Gular nesten frå start til mål, og var omlag lag ei  langside føre Tjalve i mål. Med 9:26.15 forbetra Katrine Haarklau, Heidi Ann Bruknapp, Frida Berge og Karoline Finne klubbrekorden frå i fjor med vel 4 sekund, og forsvarte fjorårets meisterskap. Katrine var den einaste nye på laget i frå i fjor. På 4x400 for kvinner senior vart det bronse på kvartetten Karoline Hellen Nilsson, Tonje Svendsen, Christine Næsheim Bjørkvik og Ida Kjelkenes med 3:59.40. 4x1500 for menn vart det jamnaste og mest spennande oppgjeret på distansen på mange år. Både Gular og Tjalve mangla sterke løparar, og det var vel heimelaget Steinkjer som hadde favorittstemplet før start. Etter ein roleg start starta Ådne Svahn Dæhlin køyret på tredjerunden og strekte feltet godt ut inn til veksling, sjølv om han måtte sjå seg slått av  BUL på dei siste metrane. Martin Johnsen løp klokt i rygg på teten og var først inn til veksling etter ei sterk avslutning. Tomas Windheim løp jamt ut frå start og sjølv om Tjalve og Steinkjer passerte han, vart det ikkje luke før på siste 300. Flott levert (og i underkant av persen på 4.02) mot på papiret vesentleg sterkare løparar. Ei roleg opning på siste etappe gjorde at Vidar Dahle henta inn tetlaga, og etter kvart fekk også BUL kontakt. Vidar viste seg som den sterkaste i spurten, og var med 16:13.69 83 hundredelar føre Tjalve. Gular har no 13 NM-gull på denne distansen, det er berre i høgde u/t vi har fleire (14).

På søndagen vart det ein ny suveren juniorsiger på 4x400 for kvinner, der kvartetten Anne Hansen, Katrine Haarklau, Karoline Finne og Heidi Ann Bruknapp sette ny junior-19 klubbrekord med 3:58.55, over 10 sekund føre neste lag. Anne, Katrine og Heidi Ann tok saman med Karoline Hellen Nilsson også sølv på 4x100m med 50.42. 4x400m for menn vart eit svært spennande oppgjer, der Gular var i eller nær teten gjennom heile stafetten. Etter at Torbjørn, Vidar og Ådne hadde lagt grunnlaget, spurta Kristoffer inn på pene 3:18.63, vel halvsekundet føre Moelven og sikra klubben NM-tittel nr. 12 på distansen. På 4x800 for senior kjempa Gular og Trondheim hardt om sølv og bronse bak suverene Tjalve, og til slutt var det trønderane som drog det lengste strået. Ingvild Berg Saksvik, Christine, Ingeborg Lind og Ida sikra seg bronse på ny senior-klubbrekord 9:21.61, og slo dermed juniorlaget si tid frå dagen før.

Ei flott helg i Nord-Trøndelag sin hovudstad, og vi takkar Steinkjer for eit flott arrangement der tidsskjemaet heldt fint, og ei god web-TV overføring. Kanskje kjem det nokre bilete og etappetider på denne sida etter kvart også.

Flott løping på Bislett i kveld 

(19.05.2010) Det var flott innsats av mange Gularløparar på Bislett i kveld, og persane kom tett i tett. På 800m for menn vart Kristoffer Grindedal Janson nr. 2 i B-heatet på fin pers 1:54.65 - under NM-kravet sjølv om det etter rapportane ikkje var nokon fullklaff. På 3000m var det Måkestad-søskena som førte an. Kjetil pressa persen ned til 8:12.26, beste Gulartid på 18 år, medan Ingvill var tett bak fjorårspersen med sin nye kretsrekord på 8:54.57. Flotte persar og NM-krav vart det også på unge (begge fyller 20 i år) Anders Huun Monsen og Ingeborg Lind. Anders persa med heile 11 sekundar til 8:26.20, og no har han betre pers enn sterke namn frå 80-talet som trenar Asgeir Thomassen og Knut Forthun, og også betre enn mellom anna Kjetil Foss Angeltvedt og Tommy Berland Laitinen. Ikkje er det så langt fram til herrane Aggvin (8:21) og Røttingen (8:22) heller. Ingeborg løp på 10:07.26, og sette dermed - såvidt det var - juniorklubbrekord.

Ho var så lite som 22/100 under Ingunn Nyhammer sin 23 år gamle rekord.  I B-heatet på 3000m fekk Gjermund Groven revansj på broder Sigbjørn og kom seg ned på 8-talet (8:58.65), medan broder Sigbjørn ikkje kom under 9 denne gongen.

Følg Ingvill gjennom sesongen

(17.05.2010) Har du interesse av å følge Ingvill gjennom sesongen anbefaler vi hyppig bruk av linken i kolonnen til høyre - RunIngvill. Ingvill er en høyst oppegående jente med et reflektert forhold til seg og sin idrett. Hard trening, riktig kosthold, hvile, men også humør, miljø og avkobling er momenter i Ingvills betraktninger i denne bloggen. God lesing.

Katrine klarte nesten junior-VM-kravet

(17.05.2010) På Leikvang ble KM mangekamp arrangert i helga. Etter ein jamn serie første dag (14.49-1.56-12.05-26.04) og ikkje fullt så bra klaff andre dag (4.81-41.99-2:25.18) enda Katrine Haarklau opp med 5026 poeng, medan junior-VM-kravet er 5150. Den totale medvinden i korte løp og lengde var dessutan litt for sterk til at resultatet kan godkjennast for rekord- og kvalifiseringsformål. Neste sjansen til å klare kravet er i nordisk meisterskap 12-13. juni.  

17. mai

(16.05.2010) Som vanleg feirar vi 17. mai med å gå i tog. Frammøte på Torgalmenningen kl. 1015. Vi går saman med bygdelaga, sjå etter Gular-fana. Kaffi og kaker i Fensal etterpå. Vel møtt!

Kjempeløp av Ingvill - 4:06.08!

(14.05.2010) Ingvill Måkestad Bovim ble nr. 6 og beste europeer på 1500m under Diamond League-stevnet i Doha med tiden 4.06.08. Med dette satte hun en flott ny personlig rekord, klubbrekord og kretsrekord og gikk inn på fjerdeplass på norgesstatistikken gjennom alle tider. Hun presterte en meget sterk avslutning der hun slo to konkurrenter med to hundredeler. Blant disse var britiske Stephanie Twell som i fjor løp på 4.03.48. På norgesstatistikken har Ingvill nå kun Grete Waitz (4.00.55), Trine Pilskog (4.05.75) og Ingrid Kristiansen (4.05.97) foran seg. I fjor hadde tiden holdt til en 27.plass på Europastatistikken. Sesongen er ennå ung, og med normal formutvikling kryper gjerne årsbestenoteringen på denne distansen en tre-fire sekunder nedover utover sommeren, og da kan det bli veldig bra under EM!

 

Fine persar på Hovdingleikane

(13.05.2010) Same dag som Holmenkollstafetten arrangerte Hovding barne-og ungdomsstemnet Hovdingleikane på Leikvang. Deltakinga var bra i dei yngste klassane, men tynn for dei eldste. På 200m vart det fine persar til Hovdingjentene Annette Holmedal (26.84) og Malin Blomberg (27.35). Raskaste Gularjente på distansen var Katrine Haarklau (26.46 i for mykje medvind).

Terje vann Åsaneløpet - og Lars Fjellveiløpet

(13.05.2010) Under dagens Åsaneløp tok Gular fire av dei fem første plassane i på 5km i herreklassen. Terje Aggvin vann på sterke 14.39, halvminuttet føre Martin Johnsen. Erik Hovlandsdal vart nr.4 på 15.47, sekundet føre Gjermund Groven. I dameklassen vart Johanna Sjøgren nr. 2 med fine 18.37, 49 sekund bak vinnaren Pernille Thomassen. Tysdag vann Lars Røttingen '3km' (løypa er nok lenger enn det) i Fjellveiløpet på 11.01, om lag minuttet føre unge Rasmus Humlevik frå Bergens Turn.  

Fin sesongstart på bane

Bildet viser t.v Erik Hovlandsdal som imponerte under baneåpningen på Fana Stadion tirsdag. Erik kom fra BFG Fana i vinter. I midten ser vi Kjetil Foss Angeltveit som tidligere har representert Skjalg og Norna-Salhus. "Ola" som etter en lovende start på sesongen dessverre har slitt med skader gikk glipp av Holmenkollstafetten, men er forhåpentligvis "back on track" rimelig snart. 

(11.05.2010) Under kveldens opningsstemne på Fana, arrangert av Gular og BFG Fana, vart det oppnådd fleire gode resultat og persane kom tett i tett trass i det kalde veret. Dagens beste øving var nok 800 for menn, der Vidar Dahle tok heim sigeren på pene 1:52.91, akkurat sekundet bak persen. Deretter følgte to meir meriterte løparar - vår eigen Ådne på 1:53.30 og 1500-noregsmeister Morten Velde frå Haugesund på 1:54.51. Hakk i hel på Morten Velde følgde så Kristoffer Grindedal Janson som persa solid til 1:55.03, berre 4/100 bak NM-kravet. 800m for kvinner vart også eit jamnt oppgjer, der Heidi Ann Bruknapp tok heim sigeren på 'offisiell' pers 2:16.94 (ho løp på 2:15 på stafett i fjor). Derette følgte Ida Kjelkenes på 2:17.88. Solide persar vart det også på Ingeborg Lind med 2.18.34 (6 sekund pers) og Tonje Svendsen med 2.22.11 (3.5 sekund pers). Tonje vart så vidt slått av Ingvild Berg Saksvik (2:21.32). På 1500m for menn imponerte Erik Hovlandsdal med pers på 4:00.40, tett føre Martin Johnsen som også persa med 4:00.76. Neste gong blir det tider under den 'magiske' 4:00 grensa! Her gjorde for øvrig Tomas Windheim ein fin harejobb, noko også Steinar van der Meeren gjorde på 800m. På 3000m vart det eit jamnt oppgjer mellom tvillingbrørne Groven, der Sigbjørn pressa seg forbi Gjermund på dei siste metrane og tok heim sigeren. Han kom seg også under 9:00 (8:59.79), medan Gjermund akkurat kom på feil side av niminuttsgrensa med 9:00.11 - persar på begge to. Til slutt tar vi med at Anne Hansen persa til 42.21 på 300m. Ho måtte imidlertid sjå seg slått mellom anna av 16 år gamle Vilde Svortevik frå Laksevåg, som sette kretsbestenotering for junior med flotte 40.41. Resultata frå stemnet finn du her: http://www.bfgfana.no/aapningsstevne/Aapningstevne_resultater_2010.htm,

Jentene slo til i Holmenkollstafetten

(11.05.2010) Under laurdagens Holmenkollstafett vart det sølv både i herre- og dameklassen. Desse to klassene sett under eitt var Gular beste klubb tidsmessig, og det har aldri hendt før. Herrelaget var til slutt sju sekundar bak arrangørklubben i mål i den jamnaste stafetten på mange år, medan damelaget var snaue to minuttar bak Vidar og halvanna minutt føre Tjalve.

I dameklassen fekk vi ein grei start ved Ingvild Berg Saksvik, og Ida Kjelkenes løp oss opp på andreplass etter eit taktisk klokt løp opp Norabakken. Etter tre etappar var Tjalve likt med oss, men derifrå og inn låg vi på ein etter kvart soleklar andreplass. Det vart heile fire etappesigrar: Ingvill Måkestad Bovim på berg og dal (4. etappe), Karoline Hellen Nilsson på 9. etappe (Gressbanen), og Christine Næsheim Bjørkvik og Heidi Ann Bruknapp på dei to siste etappane. Sidan andre og fjortande etappe er korta inn frå i fjor, og trettande er nokre få meter lenger, er ikkje totaltida samanliknbar, men på dei tolv etappane som var uendra løp jentene totalt 2 minuttar og 40 sekundar (!) fortare enn i fjor, og etappetidene var betre enn i fjor på 10 av desse tolv etappane. Ekstra imponerande er dette når ein tenker på at jentene løp åleine mesteparten av stafetten. No er vi berre spent på kva tidene blir på kveldens opningsstemne. Historisk sett var dette sjølvsagt det beste damelaget klubben nokon gong har hatt med den flotte tida 57.23, det nest beste var ikkje fjorårslaget, men 1989-laget som løp på 59.15 i ei løype som var om lag 250m kortare enn den som no vert brukt. Neste år får kanskje Gular sitt damelag førehandsomtale i programheftet også, i år var ikkje laget mellom dei tre laga som vart trekt fram på førehand (!)

I herreklassen fekk vi ein grei start, og på berg og dal løp Kjetil Måkestad oss opp på andre med eit flott løp og beste etappetid. Tjalve heldt leiinga til rundt midtvegs i klatreetappen til Besserud, då unge Anders Huun Monsen løp oss i tet. Vi heldt teten nedover frå toppen, men i denne delen av løypa kom Skjalg sterkt. På langetappen (10.) gjorde USA-studenten Lars Erik Malde eit sterkt løp og førte Skjalg opp i ryggen på Gular og Terje Aggvin, som imidlertid løp klart betre enn i fjor på denne etappen og hadde nest beste etappetid. Deretter slokna Skjalg, men  Tjalve slo tilbake og nådde igjen Gular ved 12. veksling, for så å løpe frå oss på 13. og 14. etappe. Ådne Svahn Dæhlin hadde beste etappetid på ankeretappen, men det hjalp lite. Gular var sju sekundar bak Tjalve i mål (slutt-tid 48.11),  og for første gong sidan 2003 var ikkje Gular beste norske lag. Tjalve tok sin første siger sidan 1986 (då boikotta Gular og vann Svenska Dagblad-stafetten i Stockholm i staden). På dei tolv etappane med same lengde som i fjor løp Gular totalt 3 sekund betre enn i fjor. Etter stafetten sat vi att med ei 'stang ut' kjensle, men det er berre å reise seg og gå inn for revansje neste år. I år var Tjalve rett og slett betre, og kanskje hadde vi også undervurdert dei litt på førehand - det er sjeldan lurt i idrett. I fjor vart det med ein viss rett sagt at Gulars herreløparar vann Holmenkollstafetten men gjorde relativt lite av seg utover i sesongen, i år får vi snu på dette og bli betre utover sommaren.

2010 vil gå inn i historia som det året då det vart 'likestilling' mellom herre og damelaget vårt på Holmenkollstafetten, før har alltid herrelaget vore på eit klart høgare nivå enn damelaget.  Neste år når likestillinga kanskje etappelengdene på Askstafetten også.......

Damelaget: Frå venstre May Britt, Emma, Frida, Tonje, Karoline Nilsson, Anne, Ingeborg, Ingvild, Johanna, Christine, Synne, Ida, Ingvill, Karoline Finne og Heidi Ann (foto: Per Godvik)

Fin sesongstart av Katrine

(06.05.2010) Under tysdagens kaststemne på Skansemyren fekk Katrine Haarklau opp eit fint spydkast på 44.40, ein knapp meter kortare enn persen (som er lik juniorkretsrekorden). Dette lovar godt for sesongen vidare! I kule vart det 'berre' 11.46 denne gongen.

Holmenkoll-laga klare

(05.05.2010) Etter litt fintenking i UK og eit  testløp om den siste plassen på damelaget, er laga til laurdagens Holmenkollstafett klare:

 

Etappe	Lengde	Menn	Kvinner
1	1200	Vidar Dahle	Ingvild Berg Saksvik
2	1140	Martin Johnsen	Ida Kjelkenes
3	620	Kristoffer Grindedal Janson	Karoline Finne
4	1700	Kjetil Måkestad	Ingvill Måkestad Bovim
5	1035	Hallvard Nilsen	Tonje Svendsen
6	1300	Tommy Berland Laitinen	Synne Mala Visnes
7	1790	Anders Huun Monsen	May Britt Buer
8	1800	Sigbjørn Groven	Emma Sjögren
9	650	Eirik Myrmel	Karoline Hellen Nilsson
10	2480	Terje Aggvin	Ingeborg Lind
11	1220	Gjermund Groven	Johanna Sjögren
12	390	Steinar van der Meeren	Anne Hansen
13	1350	Tomas Windheim	Frida Berge
14	650	Lars Røttingen	Christine Næsheim Bjørkvik
15	600	Ådne Svahn Dæhlin	Heidi Ann Bruknapp

Vi ønsker alle god tur og lukke til med løpinga i Oslos gater. Starttider på laurdag: Kvinner 15.00, Menn 1515. På herrelaget er det tre og på damelaget fem nye frå i fjor.

Herrelaget satsar sjølvsagt på å forsvare sigeren frå i fjor, og damelaget (som nok er det beste klubben nokon gong har hatt) satsar på å gjere det betre enn fjorårets tredjeplass.

Pers på Kristoffer på 400: 50.60

(02.05.2010) Under Laksevåglekene på Fana stadion i dag vann Kristoffer Grindedal Janson 400m på fin ny pers: 50.60. Like bak følgde Ådne Svahn Dæhlin (50.85) og deretter Martin Loftås Kåstad frå Osterøy. Fin oppfølging av gårsdagens etapperekord-tangering på Ask av Kristoffer - 49-talet kjem nok når det blir litt varmare i veret.

Dobbelt Gular på Ask-stafetten

(01.05.2010) Det var mange Gular-drakter å sjå langt framme i feltet på dagens Askstafett. I herreklassen vart det dobbelt Gular i både A- og B-klassen, og fire av dei første fem laga i mål var Gular-lag. I dameklassen tok Gular teten frå start, men  BFG Fana sitt beste seniorlag kom sterkt etter kvart og var først i mål, føre Gular sitt juniorlag og deretter Gular sitt seniorlag. Dei andre Gularlaga for damer kom litt lenger bak. Ein flott Gular-dag i solskinet på Ask, og etappetidene gjorde det ikkje så mykje enklare å ta ut Holmenkoll-laga - dei ansvarlege for laguttaka har fått litt å spekulere på dei næraste dagane. Resultatlistene finn du her: http://www.askfriidrett.com/ For dei som ønsker å samanlikne med tidlegare års etappetider så var 1.etappe i dameklassen 100m lenger enn i fjor, og i herreklassen var tredje etappe litt kortare enn vanleg og fjerde etappe tilsvarande lenger enn vanleg. Det var mange som løp godt, så vi synest ikkje det er rett å trekke fram nokon enkeltpersonar.

Klubbrekord av Helene

(01.05.2010) Under eit stemne i Oppegård utanfor Oslo i dag kasta Helene Hofstad 50.62 i slegge, og forbetra dermed sin eigen juniorklubbrekord med snaut halvmeteren. Ein flott sesongstart. Kanskje kan senior-klubbrekorden på 54.09 bli sett under press i løpet av sesongen?

Søskenparet Måkestad solide i Sentrumssprinten

Foto - Runar Gilberg/ KONDIS

(26.04.2010) Ingvill og Kjetil gjorde begge solide prestasjoner under gårsdagens Sentrumssprint i Oslo. Mest av alt imponerte nok Ingvill som med tiden 2.00.6 var knusende overlegen i kvinneklassen og kun 10 sek bak vinneren av herreklassen. Holder hun denne avstanden frem til Eivind Jensen gjennom sesongen ryker norgesrekorden på 800m. Broder Kjetil ble nummer 3 blant herrene med 1.52.2. I det ordinære Sentrumsløpet ble Ingeborg Lind nummer 11 med tiden 38.40, 3 sekunder foran en "gammel" Gularjente, Kari Madslien som nå representerer Nydalen Skiklubb.

Arkiv

(18.04.2010) Alt hjemmesidestoff fra 2009 er fjernet fra hovedsiden og ligger nå under Arkiv. Vi arbeider nå med å oppdatere statistikksiden og utøver/treneroversikten.

Gjermund og Frida vann terreng-KM

(17.04.2010) KM terrengløp skulle eigentleg vore arrangert for ein månad sin, men då var ikkje snøen smelta. No er snøen vekke i KM-løypene på Stend, men nedbøren dei siste dagane gjorde at løypene var tunge sjølv om dei er relativt flate. I kvinneklassen var det juniorane som var raskast, og Frida Berge kjempa seg i mål eit sekund føre Bertine Færø frå AKS-77, deretter følgde Ingeborg Lind. Frida fekk såleis revansj for 'tapet' på langetappen på Fristafetten på onsdag. I herreklassen var det Gjermund Groven som var første senior i mål, han måtte rett nok sjå seg slått av juniorvinnar Halfdan Emil Færø (bror til Bertine). Vidare vart det KM-titlar til Kjetil Steinstø (gutar 16 år) og Karoline Finne (jenter 17 år), begge frå Bergens Turn, Ingvild Berg Saksvik i kvinner senior og evigunge Sverre Morten Slethaug i menn veteran 35-39 år. Resultatlista finn du på arrangørklubben Gneist sine sider: http://arkiv.gneist.no/dok/friidrett/2010/KM-terrenglop-17-april-2010.pdf

 Tre Stavangergutar som løp KM: Sigbjørn Groven, vinnar Gjermund Groven og Martin Johnsen (Foto: Per Godvik)

 Frida Berge i tet, med Bertine Færø (skjult) hakk i hæl. Foto: Per Godvik.

Storeslem på Fristafetten

(14.04.2010) Under Fristafetten på Espeland onsdag gjorde Gular reint bord: Vi vann både kvinner junior, kvinner senior, menn junior, menn senior A og menn senior B. Både for menn og kvinner vart det hard kamp mellom senior og juniorlaget om å vere først i mål. Seniorlaga drog til slutt sigeren i land for begge kjønn, men begge juniorlaga sette løyperekord. Både i herre- og dameklassen veksla senior- og juniorlaga om å leie, og det var juniorlaga som kunne legge først ut på langetappen rundt Janusfabrikken, men Ingeborg Lind og Kjetil Foss Angeltvedt sørga for at seniorlaga hadde god klaring før siste etappe inne på Espelandsgrusen.  

Under bileta er etappetidene gitt (feilmargin 1 sekund). Det finst ikkje offisielle etapperekordar på denne stafetten, men BFG Fana har eit godt arkiv og har registrert dei beste tidene dei kjenner til i herreklassen. Ut frå dette var Ådne nokre tidelar raskare enn Per Thomas Thomassen sin 1998-rekord på 1:44.9 (Gular sin løyperekord på 10:18 frå det året står fortsatt), medan Kjetil Foss Angeltvedt sin råsterke etappe var 5 sekundar raskare enn kva Øyvind Fretheim hadde i 1992. Gular senior var berre 5 sekundar bak løyperekorden frå 1998, og den lever nok farleg til neste år. Juniorane sette løyperekord med 9 sekundar, BFG Fana hadde den gamle frå 1993. I dameklassen var det løyperekord for junior med 39(!) sekundar. Av etappetidene for damer var vel Heidi Ann Bruknapp si 600-tid den sterkaste, vi trur det er ein del år sidan det har vore løpt så fort på denne etappen i dameklassen. Det er eit stykke fram (27 sekundar) til Eidsvåg sin løyperekord frå 1988, men kanskje kan den kome under press neste år? På det laget løp for øvrig dametrenar Berit Mjanger.

Kvinner:

Kvinner junior- Frå venstre Frida Berge, Anne Hansen, Karoline Finne, Synne Mala Visnes, Heidi Ann Bruknapp og Malin Blomberg. Foto - Per Godvik

Kvinner senior. Frå venstre Annette Holmedal, Ingeborg Lind, Ingvild Berg Saksvik, Tonje Svendsen, Christine Næsheim Bjørkvik og Karoline Hellen Nilsson. Foto - Per Godvik

 

Etappe	Lengde	Lag 1	Tid	Lag 2	Tid
1	700	Tonje Svendsen	2:08.0	Mari Manger	2:24.0
2	330	Karoline Nilsson	51.0	Susanne Aas	1:00.0
3	853	Ingvild Berg Saksvik	2:36.0	Solveig Torsvik	2:45.0
4	600	Christine N. Bjørkvik	1:42.5	Marte Svahn Dæhlin	1:52.0
5	1441	Ingeborg Lind	4:50.5	Emma Sjøgren	5:08.0
6	200	Annette Holmedal	28.0	Helene Hofstad	30.0
		Slutt-tid	12:36.0		13:39.0
Etappe	Lengde	Lag 3	Tid	Junior	Tid
1	700	Stine Flaagan	2:36.0	Karoline Finne	2:09.0
2	330	Mona S. Nilsen	1:01.0	Anne Hansen	49.5
3	853	Nora Systad	2:48.0	Synne Visnes	2:37.5
4	600	Anne Aubert	2:06.5	Heidi Ann Bruknapp	1:40.0
5	1441	Johanna Sjøgren	5:06.5	Frida Berge	4:55.0
6	200	Marte Tuft	33.8	Malin Blomberg	27.1
		Slutt-tid	14:11.8		12:38.1

Menn:

Menn junior- Frå venstre Martin Johnsen, Anders Huun Monsen, Kristoffer Grindedal Janson, Vidar Dahle, Torbjørn Lysne og Jon Anders Løkkevik. Foto: Per Godvik

Menn senior A- Frå venstre Gjermund Groven, Jarle Hollund, Lars Røttingen, Kjetil Foss Angeltvedt, Steinar van der Meeren og Ådne Svahn Dæhlin. Foto - Per Godvik 

Etappe	Lengde	A	Tid	B	Tid
1	700	Ådne Svahn Dæhlin	1:44.5	Ivar Stefansen	1:58.0
2	330	Steinar van der Meeren	44.0	Kjetil Steinstø	47.0
3	853	Gjermund Groven	2:12.5	Sigbjørn Groven	2:12.3
4	600	Lars Røttingen	1:29.5	Eirik Myrmel	1:27.7
5	1441	Kjetil F. Angeltvedt	3:48.5	Tomas Windheim	4:05.0
6	200	Jarle Hollund	24.3	Rasmus Humlevik	25.6
		Slutt-tid	10:23.3		10:55.6
Etappe	Lengde	Junior	Tid
1	700	Martin Johnsen	1:48.5
2	330	Torbjørn Lysne	43.5
3	853	Vidar Dahle	2:07.0
4	600	Kristoffer G. Janson	1:27.0
5	1441	Anders Huun Monsen	3:57.0
6	200	Jon Anders Løkkevik	23.8
		Slutt-tid	10:26.8

Terje 2:25:24 på maraton

 Under Rotterdam maraton i helga debuterte Terje Aggvin på distansen med pene 2:25.24, han løp relativt jamnt, med 1:11:54 halvveges og 1:13:30 på siste halvdel. I Gular er det berre klubbrekordhaldar Atle Fosse (2.15.59) og Arild Nordeide som har betre tid på denne distansen gjennom tidene.  Så langt i år er dette dessutan den beste maratontida av ein nordmann. På 10km vart Johanna Sjögren nr. 4 med 40:14, noko vi trur er pers.

Fin innsats i terreng-NM

(11.04.2010) Gular og samarbeidsklubbane gjorde det godt på helgas NM i terrengløp i Tønsberg. I jenter 16 år vann  Frida Berge frå Strandebarm og Synne Visnes frå Bergens Turn vart nr. 4. I kvinner senior vart Ida Kjelkenes nr 10 og Ingeborg Lind nr 11. I menn senior vart Kjetil Foss Angeltvedt nr 5, Kjetil Måkestad nr. 6, og Anders Huun Monsen nr 9, og alle våre 9 var mellom dei 34 beste. Bjarte Bogstad tok sølv i menn veteran 45-49. På stafetten søndag vart det sølv til Hordaland i begge klasser. Herrelaget var eit reint Gularlag med Martin, Kjetil Foss Angeltvedt og Anders, medan på damelaget til Hordaland hadde Ida og Ingeborg med seg Hilde Aasheim frå Osterøy.

Stor Gulargjeng på treningsleir i Portugal

(31.03.2010) No i påsken er store delar av klubben i Portugal på treningsleir. Det blir rapportert om god stemning og gode treningsøkter. Trenar Asgeir Thomassen har sendt oss dette 'lagbiletet'.

Hallvard vann Baksjøløpet

(26.03.2010) Vår mann i dei djupe skogar på Kongsvinger, Hallvard Nilsen, rapporterer om ein god treningsvinter. I helga opna han sesongen med å vinne Baksjøløpet, under heller dårlege forhold, som omtalt her:  http://www.kondis.no/det-30-og-tyngste-baksjoeloepet.4761816-127676.html Fysioterapeuten frå Arna blir nok å rekne med også i 2010, både i stafettar og på bane.

Terje og Ingeborg vann løpskarusellen

(22.03.2010) Under gårsdagens løpskarusell i Fana vann Terje Aggvin 10km på pene 31:41, medan Ingeborg Lind tok heim nok ein siger på 5km med 19:14. Her vart Mari Manger nr. 4 med 20:59. Terje si tid er vinterens nest beste i denne løypa, berre Morten Velde har betre (31:23). Det blir interessant å sjå om Terje eller Kjetil Foss Angeltveit er best når dei etterkvart møtest - og vi har også andre gode langdistanseløparar i klubben som kan kjempe med desse om å vere klubbens beste på 5km og lenger.

Sterkt løp av Kjetil på Fri-karusellen

(17.03.2010) På onsdagens Frikarusell gjorde Kjetil Foss Angeltvedt eit sterkt løp. Med 14:56 i 5km-løypa på Espeland tangerte han løyperekorden til Lars Bakke. Dette lovar godt for 2010-sesongen, det er på tide å få ein Gularløpar under 14:30 igjen, det har ikkje klubben hatt sidan 1998!

Ingeborg og May Britt vann løpskarusellar

(15.03.2010) På kvinnedagen (måndag 8.mars) vann Ingeborg Lind og May Britt Buer kvar sine løpskarusellar. Ingeborg vann karusellen i Fana på 19.10, medan May Britt vann Boliden-karusellen i Odda med 15.43. Dette lovar bra for sesongen.

Årsmøte i hovudlaget 16. mars

(04.03.2010) Gular er eit idrettslag med to grupper - friidrett og orientering. Som ei overbygning over gruppene har vi hovudlaget, som tar seg av ting som angår heile klubben (Gularhuset, årsfest ++++). Tysdag 16. mars kl 1900 er det årsmøte i hovudlaget i Fensal. Vanlege årsmøtesaker. Vel møtt!

Jarle 7.02 i Florø

(27.02.2010) I det internasjonale sprintstemnet i Florø i dag var Gular representert med Jarle Hollund. Han sette årsbeste på 60m med 7.02, og fekk med det ein fjerdeplass i B-finalen.

NORDISK REKORD AV INGVILL

(20.02.2010) Under eit internasjonalt stemne i Birmingham i dag gjorde Ingvill Måkestad Bovim sitt sterkaste løp i karrieren så langt. Med 4:28.49 på 1 engelsk mil sette ho ny norsk og nordisk rekord. Tida tilsvarar ca 4:08.5 på 1500m, som er betre enn persen hennar utandørs. Dette heldt som i dei to forrige løpa til ein 5.plass, etiopiske Gelete Burka vann på 4:23.53. Til samanlikning har Grete Waitz den norske rekorden på distansen utandørs med 4:26.90. Utan å vere overoptimistiske er det vel rimeleg å tru at Ingvill til sommaren kan bli den nest raskaste norske kvinna på 1500m, Trine Pilskog sine 4:05.75 burde vere innanfor rekkevidde. Grete Waitz sin norske og nordiske rekord er forøvrig på 4:00.55. Dersom Holmenkollstafettlaget for menn skulle takast ut i morgon hadde truleg Ingvill vore kvalifisert for laget! Det har også på andre måtar vore ei god veke for familien Måkestad, veslebror Kjetil har nettopp blitt pappa til ei lita jente. Gratulerer!

Kule-gull til Katrine på NM

(20.02.2010) Som i fjorårets NM utandørs var det berre Katrine Haarklau som tok medalje under første dag av årets NM innandørs i Stangehallen. Med 12.52 forbetra ho sin eigen inanndørs klubbrekord med over halvmeteren, og var berre 17cm bak ute-persen frå i fjor. Bra i hennar første konkurranse etter kneoperasjonen for eit halvt år sidan. På 400m sette Heidi Ann Bruknapp klubbrekord i forsøksheatet med 58.97, men måtte dessverre trekke seg frå finalen. Kristoffer Grindedal Janson debuterte i Gulardrakta med ein fin 400m på 51.55. Dette heldt ikkje til finaleplass, men å vere berre 83/100 bak utandørspersen er bra på denne distansen. På 60m kom Jarle Hollund til finalen, der han vart nr. 6 med 7.07. Christian Marthinussen tangerte persen i forsøket (7.09), men vart slått ut i semifinalen.

Ingeborg vann løpskarusellen

(15.02.2010) Under måndagens løpskarusell i Fana tok Ingeborg Lind ein klar siger på 5km med 19:06. Dette er 20 sekundar frå hennar beste tid i vinter, men den var sett før snøen og kulda kom. Dette lovar bra for sesongen for Askim-jenta.

Jarle og Frida tok gull i UM

(13.02.2010) Under helgas UM i Drammenshallen tok Gular gull og sølv, medan det vart eit gull til Strandebarm. Jarle Hollund frå Gular vann 20-22 års klassen på 60m med årsbeste 7.03, og vart nr. 2 på 100m med 11.11. Frida Berge frå Strandebarm vann 1500m i jenter 16 år på 4:55.03, ny klubbrekord for junior-19 innandørs. Elles vart det fleire gode plasseringar til samarbeidsklubbane våre. I kule jenter 16 år (3 kg) tok Marte Tuft frå Hovding ein fin 4.plass på 10.94. På 800m var som vanleg Bergens Turn godt representert i guteklassene, Ivar Stefansen vart nr. 4 i gutar 18-19 år med 2:07.09, medan 16-åringen Kjetil Steinstø vart nr. 5 i si klasse med 2:10.62. Vi tar også med at Annette Holmedal frå Hovding tangerte 100m-persen sin (13.33) i forsøket, dette heldt imidlertid ikkje til finaleplass i 17-års klassen for jenter. Alle resultata finn du her: http://idrett.speaker.no/Organisation.asp?OrgElementID=22519&CatId=824411

Ingvill rekord igjen: 4:11.30

(10.02.2010) Under kveldens storstemne i Globen i Stockholm forbetra Ingvill Måkestad Bovim sin ferske  norske innandørsrekord på 1500m med rundt to og eit halvt sekund til 4:11.30. Ingvill vart nr. 5 i eit heat som var sterkare enn det ho løp i sist veke, etiopiske Kalkidan Gezahegne vann på sterke 4:03.28. Det er imidlertid framleis nokre sekund ned til den nordiske rekorden som svenske Maria Akraka har med 4:07.74. Vi kan elles gratulere Ull-Kisas Thomas Roth med junior-19 og junior-22 rekord innandørs på 800 meter med sterke 1:49.85, her har Vidar Dahle og andre norske 800-løparar fått noko å strekke seg etter. Vi minner om at Ådne aldri kom under 1:50 inne!

EM og junior-VM krav innanfor rekkevidde

(10.02.2010) Kvalifiseringskrava til årets EM i Barcelona og junior-VM i kanadiske Moncton er no kunngjort, og det skulle vere gode sjansar for å få fleire Gular-utøvarar med til desse meisterskapa. Ingvill Måkestad Bovim løp i fjor under A-kravet både på 800 og 1500 (2.02.5/4.13.0), og skulle såleis vere klar ved å vise tilsvarande form til sommaren. Den norske innandørsrekorden sist veke lovar godt! Veslebror Kjetil skulle også ha ein sjanse på A-kravet på 1500m (3.42.0), med både Morten Velde og Henrik Ingebrigtsen å kjempe med er det ikkje nok å klare B-kravet på 3.43.5 (med B-krav kan ein berre stille dersom ingen norske har klart A-kravet). I stav må nok Katrine heve seg ein del for å klare A-kravet på 4.30, B-kravet er lik persen på 4.10, men då må ho også slå Cathine Larsåsen med pers på 4.30 ut av laget noko som kan bli tøft. Til junior-VM i Canada er imidlertid Katrine kvalifisert i stav (krav 3.95), og ho er også nær kravet i 7-kamp. Heidi Ann Bruknapp har også junior-VM kravet innanfor rekkevidde, 55.24 er 61/100 betre enn persen frå fjorårets KM. Skulle nokre andre enn dei ovanfor nemnde klare krava ville vi bli svært gledeleg overraska. Litt nostalgi til slutt: Ådne Svahn Dæhlin, som aldri kom til noko meisterskap, har løpt under A-kravet på 1:48.20 7 gonger!

Kjetil Foss Angeltveit beste nordmann i Tyskland

(06.02.2010) Under det store terrengløpet Energie Cross Neukirchen i nærleiken av Düsseldorf i dag vart Kjetil Foss Angeltveit beste nordmann med ein 18.plass. Han var 1:52 bak vinnaren (ein polsk 13:52-løpar) i den 8.5 km lange løypa. Anders Huun Monsen vart nr. 25 (og nest best av nordmennene i U23-klassen) 20 sekund bak Kjetil. Tommy Berland Laitinen var skuffa over 34. plassen sin, 46 sekund bak Kjetil. Resultata finn du her: http://www2.your-sports.com/details/results.php?lang=no&page=6&eventid=3678&contest=10&name=Ergebnislisten%7CZieleinlaufliste%20Int&CertificateLink=1&format=view

NORSK REKORD AV INGVILL

(03.02.2010) Ingvill Måkestad Bovim sette norsk rekord innandørs på 1500m under dagens stemne i Düsseldorf. Med 4:13.82 forbetra ho den norske rekorden med vel 2 sekund, og klarte samtidig kravet til inne-VM (4:15.00). Tida heldt til ein 5.plass i det sterke feltet. Ein flott debut som Gularløpar!

Jarle 7.04, Christian 7.08

(03.02.2010) Under tysdagens stemne i Høiehallen var Jarle Hollund raskast på 60m. Med 7.04 var han 4/100 føre klubbkamerat Christian Marthinussen, som persa med 1/100. Mellom damene var igjen Iren Vevatne Isaksen frå BFG raskast (7.98). Vi noterer oss elles at unge Marte Tuft frå Hovding og Gular debuterte med 4kg-kula og klarte NM-kravet for junior med fine 9.68 (krav 9.50). Ho overtok også familierekorden frå storesøster Silje som har 9.42. Resultata er no lagt ut på resultatsida vår.

Kretsrekord på 1500m av Kjetil

(03.02.2010) Kjetil Måkestad satte en flott ny kretsrekord på 1500m innendørs da han ble nummer 6 på distansen under gårsdagens stevne i Wien med tiden 3:46.28. En annen som imponerte i samme løpet var 19-åringen Henrik Ingebrigtsen fra Sandnes som ble nummer 2 med 3:44.01. Kjetil sin trener, Knut Jæger Hansen skriver dette om løpet (litt redigert av oss)-."Veldig bra løpt av våre gutter. Har ikke sett Henrik mer enn en gang før, men løp mye bedre enn det jeg så i NM ifjor. Det var norsk jr rek med 11 sekunder. Kjetil satte også pers og kretsrekord(den gamle var fra Stockholm i fjor-DN .gallaen).Med minimal trening utover mengdetrening løp han som Henrik et veldisponert og flott løp. Dette bør gi inspirasjon til alle de andre norske mellomdistanseløperne. Kjetil løper 3000m i NM." I kveld løper søster Ingvill i Tyskland. Dette løpet kan du se på Eurosport. Vi gleder oss. Kjetil sitt sterke løp gir oss også godt håp om at vi for første gang på 20 år kan få en Gularløper under 3:45 på 1500m.

Stemne i Høiehallen tysdag

(29.01.2010) Vi minner om Gulars stemne i Høiehallen tysdag 2. februar. Tidsskjemaet ligg under Arrangement på menyen.

Ingeborg vann løpskarusellen

(26.01.2010) Under gårsdagens løpskarusell i Fana vart det dobbelt Gular på 5km kvinner. Ingeborg Lind vann med 19.23, som vel er jamgodt med hennar forrige løp på 18.46 når ein tar omsyn til føreforholda. Ingvild Berg Saksvik vart nr. 2 på 20.46 og viste at ho har halde treninga ved like under USA-opphaldet. Resultat på www.bfgfana.no.

Ingvill sin blogg

(24.01.2010) Vår nye toppløpar Ingvill Måkestad Bovim har sin eigen blogg - den finn du her: http://runingvill.wordpress.com/.

Christian og Iren raskast i Høiehallen

(22.01.2010) Gular arrangerte eit vellukka stemne i Høiehallen i går. Raskast på 60m var arrangørklubbens Christian Marthinussen (7.10) og BFG Fanas Iren Vevatne Isaksen (7.96). Resultatlistene ligg under Resultater på menylinjen.          

Løypeendring i Holmenkollstafetten

(18.01.2010) Løypa i Holmenkollstafetten er nedkorta i forhold til i fjor. Andre etappe er no om lag som i 'gamle dagar' (1140m), medan 14. etappe er korta ned til 650m - ein slepp dermed 'strafferunden' før veksling.. Dette kan nok få litt å seie for laguttaket når vi kjem så langt (først må snøen gå...). Meir info på www.holmenkollstafetten.no. Takk til min observante namnebror Bjarte Lohne som nemnde dette på Osterøy si heimeside.

Anders Huun Monsen vann Ask-løpet

(16.01.2010) Unge Anders Huun Monsen vann årets Ask-løp på 13.42 etter eit spurtoppgjer med evigunge Bjarte Vik frå Osterøy. Tredjeplassen gjekk til Lars Røttingen, som var i teten tidleg i løpet, medan Groven-brørne Sigbjørn og Gjermund vart nr. 6 og 7. Gular tok med dette premien til beste tremannslag. Ask-løpet har dei fire siste åra blitt vunne av 1500-norgesmeister Morten Velde, men med haugesundaren på treningsleir i Sør-Afrika var det duka for ein ny vinnar i år, og vernepliktig Monsen greip altså sjansen etter eit jamnt oppgjer med over dobbelt så gamle (!) lærar Vik. Bilete og meir info på www.kondis.no. Ask-løpet har gått i same løypa sidan ein gong på 90-talet, men ver og føre har sjølvsagt variert frå år til år. I tabellen under kan ein finne dei beste tidene i herreklassen opp gjennom åra. Løyperekorden trur vi sjølv ein Morten Velde i toppform skulle få slite litt med.....

 

1	Øyvind	Fretheim	12.51	1999
2	Roald	Stamnesfet	13.08	1998
3	Bjarte	Bogstad	13.11	1998
4	Morten	Velde	13.13	2008
-	Morten	Velde	13.22	2006
5	Øystein Engum	Andersen	13.25	2005
-	Roald	Stamnesfet	13.29	1999
6	Lars	Bakke	13.29	2008
7	Bjarte	Vik	13.30	2005
7	Arnt Inge	Nilsen	13.30	2006
-	Morten	Velde	13.30	2007
9	Lars	Røttingen	13.31	2008
-	Morten	Velde	13.31	2009

Gular ein vinnar på overgangsmarknaden

(10.01.2010) Så mykje aktiv friidrett kan vi ikkje rapportere om så langt i det nye (ti)året, men det er hyggeleg å notere seg at på forbundet si liste over overgangar er det 6 innmeldingar og ingen utmeldingar frå klubben ved årsskiftet. Det sterkaste av dei nye namna er sjølvsagt Ingvill Måkestad Bovim (ex Tjalve og Korlevoll-Odda), landets klart beste kvinnelege mellomdistanseløpar. Merittlista er veldig lang, med 6 norske individuelle seniormeisterskap, bronse på 1500 i U23-EM i 2003 og ein andreplass på alle-tiders statistikken på 800 meter (2:02.05) som nokre av høgdepunkta. Vidare har medisinstudenten Christine Næsheim Bjørkvik meldt overgang frå Skjalg. Christine har sølv i senior-NM på 400m hekk frå 2006 og dessutan fleire juniormeisterskap både individuelt og på stafett, persen på 59.67 er sett under den nordiske juniorlandskampen i 2006. Kjetil Foss Angeltveit er ikkje like meritert, men 24-åringen frå Eidsvåg (tidlegare klubbar: Skjalg og Norna-Salhus) tok sølv under NM terrengløp på Storetveit i 2006. Han persa seg både på 1500, 3000 og 5000 i sommar (3.55/8.28/14.43), og er i veldig god trening. Den andre nye herreløparen er Kristoffer Grindedal Janson (ex-BFG Fana). 20-åringen har ein 800-pers på pene 1:56.63, sett så langt tilbake som i 2006. Ingeborg Lind frå Askim er ein ung og lovande løpar som i haust har vist fine takter både på løpskarusellen og i klubbmeisterskapen i terrengløp. May-Britt Buer (frå Ullensvang-klubben IL Harding) vann fjorårets NM  i motbakkeløp, og har toppa resultatlistene i mange andre motbakkeløp det siste året. Vi ønsker alle velkomne i klubben og håpar at dei får ein flott sesong! På overgangsmarknaden noterer vi også at Karoline Finne og Synne Mala Visnes har meldt overgang frå Frisk til Bergens Turn. Samarbeidsavtalen mellom Gular og Frisk er sagt opp frå årsskiftet.