|
Veteranlaget, Gular Friidrett.
Veteranlaget har 25 meir eller mindre aktive medlemmer hovedsakeleg i aldersgruppa 65-85 år. Laget har medlemmer med langt fartstid i Gular og med imponerande resultat frå langt attende. Men laget har og medlemmer som er meir ferske. Felles for alle er interesse for trening og det å halda seg i form. Ikkje alle er like ivrige og nivået er høgst ulikt, vi har plass for alle. Like viktig som treninga er det sosiale samværet og det nettverket dette gjev medlemmene.
Styret
| Funksjon |
Navn |
Telefon |
Mobil |
E-post |
| Leiar |
Walther Olsen |
55258687 |
918 171 67 |
|
| Nestleiar/ Sekretær |
Kjell Sælensminde |
55160185 |
414 45 773 |
kjellsmi@online.no |
| Oppmann |
Per Einar Sønnesyn |
55288754 |
476 27 349 |
pereinarsonnesyn@gmail.no |
| Kasserer |
Leif Bjordal |
55200064 |
|
|
Treningstider
Veteranlaget trenar kvar tysdag og torsdag og nyttar mest Fana Stadion vår og sumar og Walterhallen på Laksevåg haust og vinter. Tidvis nyttar ein og Skansemyren og Nymarksbanen/Haukelandshallen.
Arbeid elles
Medlemmene i Veteranlaget deltek som støttefunksjonærar ved ulike stemner der Gular er involvert og elles dugnadsarbeid ,m.a. i Waltherhallen og vedlikehaldsarbeid på Gularhuset.
Veteranlaget skipar og til kortare turar og andre samankomster for å bygga opp under det sosiale samværet og nettverket mellom medlemane.
Veteranlaget ynskjer nye medlemer velkomen, ta kontakt med ein av oss i styret.
REFERAT
frå
årsmøtet 2010 i Veterangruppa Gular 24. februar 2011
Årsmøtet 2010 i Veterangruppa Gular vart halde torsdag 24. februar heime hjå Arne Hamarsland.
Leiaren Walther Olsen kunne ynskja velkomen 16 Gularveteranar.
Sak 1. Val av møtestyrar og referent.
Walther Olsen og Kjell Sælensminde vart samrøystes vald.
Sak 2. Godkjenning av innkalling
Innkallinga vart samrøystes godkjent
Sak 3. Årsmelding
Årsmeldinga var på førehand send ut til alle som har E-post og delt ut til dei som ikkje har E-post. Leiaren gjekk gjennom årsmeldinga avsnitt for avsnitt.
Til punktet ”Trening” vart det opplyst at det no er høve for Veterangruppa å nytte ”styrkerommet” på Fana Stadion. Styret syter for å få nøkkel til rommet.
Til punktet ”Dugnad” vart det orientert om at det til våren vil verta lagt opp til ein del dugnad på Gularhuset, her vil det verta trong for folk med arbeidslyst.
Til avsnittet ”Sportsleg deltaking” vart det presisert at i KM i slegge og vektkast, som vart arrangert separat, deltok Arne Lote og fekk gull i begge øvingane.
I tillegg til årsmeldinga frå styret la Arne Hamarsland fram årsmelding frå Waltherhall-komiteen og oppmannen, Per Einar Sønnesyn delte ut oversikt over dei sportslege resultata Veterangruppa hadde oppnådd i 2010. Det vart opplyst at i høve 85-årsdagen til Walther Olsen fekk Walther-hallen ei gåve på kr 8.500,- som kan nyttast til utstyr og liknande.
Årsmeldingane vart elles godkjent utan nærare merknader.
Sak 4. Rekneskap
Rekneskapen, som var kopiert opp og utdelt, vart gjennomgått av kasseraren, Leif Bjordal.
Veterangruppa har i 2010 ikkje hatt inntekter ( utanom kr 13,- i renteinntekt), men har hatt kr 6.222,- i utgifter. Eigenkapitalen er pr 31/12 kr 9.754,32
Det vart drøfta korleis ein kunne skaffa gruppa nok omeir inntekt, m.a. søknad til hovudlaget om støtte, ev. Waltherhall-komiteen og kanskje og Vision Vest (Sparebanken Vest) Desse framlegga ser styret nærare på.
Rekneskapen vart samrøystes godkjent.
Sak 5. Innkomne saker
a) Namn på gruppa: Det har vore praktisert noko ulike namn på Veterangruppa, noko som kan vere forvirrande. Vi bør difor kome fram til eit fast namn som skal nyttast. Når vi deltek i konkurransar og liknande er det Idrottslaget Gular vi representerer, men i andre samanhengar meiner årsmøtet at vi bør nytta namnet ”Veterangruppa Gular”.
Dette tek styret opp med Friidrettsgruppa som Veterangruppa er ein del av.
b) Bossaksjonen i Bergen: Kjell Sælensminde orienterte om at Veterangruppa i år har søkt om å få vere med i bossaksjonen sumaren 2011. Kjem vi med her vil det gje gruppa ei inntekt på kr 25.000,-. Vi kjem attende til organiseringa av arbeidet om vi kjen med på dette.
c) Reglar for hesteskokastarløp: Det er kome framlegg om å endra noko på reglane for hesteskokastarløpa vi har hatt i Walther-hallen. Styret ser nærare på desse og føretek eventuelle korrigeringar
Sak 6. Val
Det har ikkje vore noko valnemnd i arbeid. Noverande leiar, Walther Olsen ynskte avløysing. På møtet vart det sett fram benkeframlegg både på Rolf Mjøs og Arne Nymark. Rolf Mjøs ynskte ikkje å ta på seg denne oppgåva så Arne Nymark vart samrøystes vald.
Nestleiar/skrivar Kjell Sælensminde, kasserer Leif Bjordal og oppmann Per Einar Sønnesyn vart alle attvald.
Likeeins vart varamann til styret, Rolf Eide og revisor Knut Bergesen attvald.
Det vart noko diskusjon om korleis dei yngre veteranane i Gular skulle koma inn i biletet, dette vart det vedteke at styret tek opp med Friidrottsgruppa.
Etter årsmøtet var det premieutdeling for hesteskokastar-løpa som har vore avvikla vinteren 2010/2011. Dei heldige vinnarane fekk svære medaljer, som ved nærare undersøking viste seg å vere kaker. Eit populært tiltak.
Rolf Mjøs, Arne Hamarsland og Kjell Sælensminde med medaljane frå hesteskoløpet.
(Foto: Herborg Blakstad)
Veterangruppa takker Aud og Arne Hamarsland for at dei stiller heimen sin til disposisjon for årsmøtet år etter år.
Ref K.S.
KM i Arna
Medaljefangsten vart stor, desse tok gullmedalje i sine øvingar:
| Asgeir Thomassen |
(45-49) 400 m, 200 m, 100 m |
| Leif Osa |
(70-74) 400 m, 1000 m stafett
|
| Arne Lothe |
(70-74) slegge
|
| Kjell Sælensminde |
(70-74) 100 m, 200 m, 1000 m stafett
|
| Per Einar Sønnesyn |
(75-79) 100 m
|
| Harry Tvedt |
(75-79) 1000 m stafett
|
| Håkon Tvedt |
(75-79) 1000 m stafett
|
| Leif Bjordal |
(80-84) diskos, spyd, 100 m
|
| Magne Limevåg |
(80-84) 100 m, kule
|
| Walther Olsen |
(85-89) diskos, 100 m, kule
|
Gular sitt andre-lag (70-79) Magne Limevåg, Per Einar Sønnesyn, Arne Nymark, Rolf Mjøs, tok sølv på 1000 m stafett.
På biletet under ser vi deltakane frå Gular, etter endt dyst, på KM for veteraner på den nye bana i Arna 2. og 3. oktober 2010. (Arne Lothe var ikkje til stades då biletet vart teke.)
Klubbmeisterskap i hesteskokasting
På ettersumaren kom det invitasjon frå vårt klubbmedlem, Trygve Monstad, om å halda klubbmeisterskap i hesteskokasting på hytta hans på Vollom i Lindås.
Denne invitasjonen kunne vi sjølvsagt ikkje seie nei til, så første og beste godvêrsdag (Torsdag 2. september) samla vi oss i 4-5 bilar og sette kursen mot Vollom.
Første post på programmet var ein oppvarmingstur til Skarsveten som ligg ca 250 m.o.h., der vi fekk flott utsikt over store deler av Lindås og Radøy, og på vegen attende gjekk vi gjennom den historiske bøkeskogen og fekk også med oss historia om den.
Attende på hytta fekk vi servert kaffi og rundstykke, noko som smakte utruleg godt etter den til dels lange oppvarmingsturen.
Så var det klart for klubbmeisterskapen i hesteskokasting. Hesteskokasting er ei idrottsgrein som vi har etter måten lite trening i, det vart såleis noko varierande kastemetodar, stilartar og resultat, men iver og innsats var stor så det vart eit flott klubbmeisterskap.
Reglane var noko ”heimelaga” og tilpassa kast-arenaen, men var godt brukande og skilde bra mellom ”klinten og hveten”! Det vart Rolf Eide som til slutt kunne klatra øvst på sigerspallen med 24 poeng (nedafor kan ein sjå ein stilstudie av vinnaren i ulike fasar av kastet!)
Takk til Aase og Trygve Monstad for flott arrangement.
NM for veteranar i Florø
NM for veteranar vart i år halde i Florø. Det var så nær at sjølv vi gamlekarane kunne klara å finna dit. Det vart difor bestemt at vi skulle samla oss i eit par bilar og køyra til Florø. Med avgjersla om at deltakinga frå veteranlaget dette året skulle verta stor, vart det og meir intensitet over treningsøktene. Både piggsko og tidtakarutstyr vart flittig nytta og treningsresultata vart nøye vurdert og kommentert, ja vi hadde til og med eigen trenar som skulle ta den siste finpussen av forma før vi drog av garde.Vi hadde store voner om gode resultat før vi drog, men vi fekk diverre ein del fråfall undervegs, noko som gjekk ut over eit av stafettlaga (1000 meter) og resultatet deretter.
Men også her synte det seg at ”dei gamle er eldst”, stafettlaget som vart noregsmeister i 70+ klassa i 2000 (W.Olsen, P. Heggestad, L. Bjordal og K. Bergesen) stilte no opp i 80+ klassa, 10 år etter, og tok ein ny gullmedalje! Den prestasjonen er det ikkje andre lag som har makta så langt. Det noko reduserte stafettlaget (70+) på 1000 m ( M.Limevåg, J. Aga, K.Sælensminde og R. Mjøs) fekk likevel sølvmedalje i si klasse, gularveteranane hadde såleis to stafettlag i aldersgruppene over 70 år, det er det heller ikkje andre lag som får til, vi har difor god grunn til å vera stolte av veterangruppa vår.
I einskildøvingane vart det og medaljer til fleire utøvarar: Magne Limevåg (80-84) tok gull på 100 m og det same gjorde Walther Olsen (85-89). Walther Olsen tok og bronse i både kule og diskos. Knut Bergesen (80-84) tok gull på 200 m og Leif Bjordal (80-84) tok gull i kule. Arne Lothe (70-74) tok bronse i vektkast og slegge og Bjarte Bogstad (45-49) tok gull på 1500 m og på 5000m.
NM i Florø vart ei hyggeleg oppleving, været var godt og stevnet vart fint avvikla og veterangruppa frå Gular, heile 9 deltakarar over 70 år, hadde ei fin helg.
Gular sitt stafettlag 80+
Gular sitt stafettlag 70+
|
